Ўзбекистонда 2022 йилнинг 6 ойи давомида республика бўйлаб жами 1429 та жиноят иши бўйича 1785 нафар мансабдор шахс жиноий жавобгарликка тортилди. Бу ҳақда Бош прокуратура матбуот хизмати хабар берди.
Қай этилишича, жинояти фош қилинган мансабдор шахсларнинг 13 нафари республика, 195 нафари вилоят ва 1577 нафари туман-шаҳар миқёсидаги вазирлик, идора ва ташкилотларда фаолият юритган.
Жиноий жавобгарликка тортилган мансабдор шахсларнинг 1210 нафари ўзганинг мулкини ўзлаштириш ва растрата йўли билан талон-торож қилиш, 158 нафари мансаб мавқейини суиистеъмол қилиш, 129 нафари фирибгарлик, 74 нафари порахўрлик, 22 нафари мансаб сохтакорлиги, 15 нафари мансабга совуққонлик билан қараш, 7 нафари мансаб ваколати доирасидан четга чиқиш ва 170 нафари бошқа жиноятларни содир этган.
Мансабдор шахсларнинг жиноятлари оқибатида давлат ва жамият манфаатларига 668,2 миллиард сўм миқдорида моддий зарар етказилган бўлиб, тергов жараёнида ушбу зарарнинг 599,1 миллиард сўми ундирилган.
Изоҳ (0)