Сурхондарё вилояти Сариосиё туманида яшовчи 66 ёшли М.А. ўз қариндошини ўлдириш учун 50 миллион сўм эвазига қотил ёллади.
Қайд этилишича, фуқаро бу ишни амалга ошириш учун термизлик А.Б.га мурожаат қилган.
ДХХ Сурхондарё вилояти бўйича бошқармаси, вилоят ИИБ ҳамда вилоят прокуратура тезкор ходимлари ҳамкорлигида 24 июль куни Денов туманида ўтказилган тезкор тадбирда М.А. олдиндан келишилган пулдан 1,8 миллион сўмни киллерга бераётган вақтда жиноят устида қўлга олинди.
Ҳозирда М.А.га нисбатан жиноят кодексининг 97-моддаси (қасддан одам ўлдириш) 1-қисми билан жиноий иш қўзғатилиб, қамоққа олиш тарзидаги эҳтиёт чораси қўлланилди. Ҳолат бўйича тергов ҳаракатлари олиб борилмоқда.
Изоҳ (0)