Ўзбекистон ва Исроил ўртасида меҳнат миграцияси соҳасидаги ҳамкорликни кенгайтириш мақсадида шу кунларда ушбу давлатда бўлиб турган Ўзбекистон ҳукумати делегацияси аъзолари Исроилнинг миграция бўйича ваколатли органлари билан учрашувлар ўтказмоқда.
Учрашувларда Исроилда вақтинча меҳнат фаолиятини амалга ошираётган Ўзбекистон фуқароларининг ҳуқуқ ва манфаатларини ҳимоя қилиш масалалари ҳамда меҳнат миграцияси соҳасида ҳамкорликни янада ривожлантириш истиқболлари муҳокама қилинди.
Ташриф доирасида Исроил ҳукумати билан Ўзбекистон ҳукумати ўртасида Исроил давлатининг меҳнат бозоридаги махсус секторларда ўзбекистонлик ишчиларни вақтинчалик иш билан таъминлаш тўғрисида битим имзоланди.
Шунингдек, Ташқи меҳнат миграцияси агентлиги ва Исроил ИИВнинг Аҳоли ва иммиграция бошқармаси ўртасида Исроил ҳукумати ва Ўзбекистон ҳукумати ўртасида Исроилнинг меҳнат бозоридаги махсус секторларда ўзбекистонлик ишчиларни вақтинчалик иш билан таъминлаш тўғрисидаги битимни «Уйда парваришлаш соҳасида» амалга ошириш баённомаси имзоланди.
Ушбу ҳужжатлар Ўзбекистон фуқароларини Исроилга ташкилий равишда қонуний ишга жалб қилишни таъминлашга хизмат қилади.
Изоҳ (0)