Бразилия Либерал партияси 2022 йилнинг кузида бўлиб ўтадиган президентлик сайловларига амалдаги давлат раҳбари Жаир Болсонаруни расман номзод қилиб кўрсатди. Бу ҳақда G1 интернет портали хабар берди.
Собиқ мудофаа вазири Волтер Брага Нетту эса вице-президентликка номзод сифатида тасдиқланди.
Бразилиянинг G1 портали маълум қилишича, Болсонарунинг Либерал партия қурултойидаги нутқи 1 соату 9 дақиқа давом этган. Нутқ давомида у ўз тарафдорларини 7 сентябрь куни «охирги марта кўчага чиқишга» чақирган, шунингдек, сайловлардаги эҳтимолий рақиби, собиқ президент Лулу да Сильвани «бандит» ва «собиқ маҳбус» деб атаган.
Аввалроқ да Сильва учинчи президентлик муддати учун номзодини қўймоқчилиги, у билан бирга Сан-Паулунинг собиқ губернатори Жеральдо Алкмин вице-президентликка даъвогарлик қилмоқчилиги ҳақида эълон қилганди.
Datafolha институтининг сўнгги сўров натижаларига кўра, бразилияликларнинг 47 фоизи Лула да Сильва учун, респондентларнинг 28 фоизи эса Болсонару учун овоз беришни режалаштирган.
Мавзуга доир: Ҳиндистон тарихида иккинчи марта аёл киши мамлакат президенти бўлди
Изоҳ (0)