Янги ўқув йили учун ягона формани мактабларнинг ўзида ташкил қилинадиган ярмаркаларда сотувга қўйиш режалаштирилмоқда.
Ота-оналар ва мутахассислар фикрларини инобатга олган ҳолда мактаб формасининг шакли тасдиқланган. Бугунги кунда ягона формани нафақат бозордан сотиб олиш, балки ота-оналар ўзи хоҳлаган тикувчига белгиланган тартибдагидек тиктириши мумкин. Бу ҳақда Халқ таълими вазирлиги томонидан Олмазор, Юнусобод, Мирзо Улуғбек ва Яшнобод туманларида жойлашган мактаблардаги мактаб формаси ярмаркасига ташкил этилган пресс-тур давомида маълум қилинди, деб хабар бермоқда «Дарё» мухбири.
«Давлат умумтаълим мактабларида таълим олаётган темир дафтар, аёллар ва ёшлар дафтарига киритилган ижтимоий ҳимояга муҳтож оилаларнинг фарзанди текинга мактаб формаси билан таъминланади. Ҳозирда рўйхатлар шакллантириляпти, янги ўқув йили бошлангунга қадар мактаб формаси билан таъминлаш ишлари амалга оширилади», — дейди Тошкент шаҳар халқ таълими бош бошқармаси масъул ходими.
Қайд этилишича, шу кунгача 100 дан ортиқ мактаб формаси нусхалари тавсия этилган, уларнинг ичидан саралангач, мана шу формаларда тўхталди.
Изоҳ (0)