Энергетика вазирлиги аномал иссиқ туфайли айрим ҳудудлардаги электр таъминотида юзага келаётган носозликлар махсус бригадалар томонидан зудлик билан бартараф этилаётганини маълум қилди.
Қайд этилишича, шу кунларда республиканинг барча ҳудудларида ҳаво ҳароратининг аномал исиб кетиши оқибатида айрим жойлардаги трансформатор пунктлари ҳамда кабел тармоқларида истеъмол юкламаси ортиши кузатилиб, носозликлар келиб чиқмоқда.
Ушбу электр тармоқларидаги фавқулодда ҳолатларнинг олдини олиш ва уларни бартараф этиш мақсадида ҳудудлар бўйлаб тун-у кун ишлайдиган 227 та аварияга қарши махсус бригада ташкил этилган бўлиб, юзага келган носозликлар зудлик билан бартараф этиб борилмоқда.
«Ана шундай аномал иссиқ натижасида юзага келаётган ноқулайликлар учун истеъмолчилардан узр сўраймиз», — дейилган хабарда.
Изоҳ (0)