Ўзбек шоу-бизнеси вакилларининг шахсий ҳаёти, машинаси ва яшаётган уйи билан боғлиқ маълумотлар кўпчиликка қизиқ. Уларнинг айримлари ҳашаматли уйда яшаса, айримлари оддий, файзли уйда яшашни маъқул кўради. Баъзи санъаткорларнинг эса чет давлатларида ҳам уйи бор.
Юлдуз Усмонова
Ўзбекистон халқ артисти Юлдуз Усмонова турмуш ўртоғи Мансур Агалиев билан биргаликда истиқомат қиладиган икки қаватли ҳашаматли уй пойтахт марказида жойлашган бўлиб, уйнинг ҳовлисида гулзор ҳам мавжуд. Хонанда ижоддан бўш вақтида ҳовлисига турли гуллар экиш ҳамда уларни парвариш қилиш билан шуғулланади. Усмонованинг ҳовлисида ёзги ошхона ҳам мавжуд бўлиб, у уйида меҳмон кутишни яхши кўради ҳамда тез-тез ўз қўллари билан таом тайёрлаб туради.
Шунингдек, примадоннанинг уйида катта иссиқхона ҳам бор. Юлдуз Усмонова бу ерда мавсумий сабзавотлар ҳамда кўкатларни етиштиради.
Каниза
Каниза 2022 йилнинг бошида Tashkent City’дан хонадон ва машина сотиб олган эди. Кейинроқ у янги уйининг олдида ҳаттоки расмга туша олмаётганини айтиб арз қилган.
Зарина Низомиддинова
Зарина Низомиддинованинг Тошкент шаҳрида ва Москвада уйи бор. Ҳозир Москвада яшаётган актрисанинг уйи замонавий шароитларга эга. Актрисанинг Тошкентдаги уйи жуда ҳашаматли ва замонавий шароитларга эга.
Актрисанинг Тошкентдаги уйи ҳам ҳашаматли қурилган ва у фарзандлари билан бу ердаги уйига келиб туради.
Саида Саидбекова
Актриса Саида Саидбекова банкда бўлим бошлиғи бўлиб ишлайдиган турмуш ўртоғи унга Malibu ҳамда Trailblazer автомобиллари олиб бергани, улар катта ва ҳашаматли «участка»да яшашлари ҳақида мухлисларига сўзлаб берган эди. Саиданинг хонадонида сериал ҳамда фильмлар съёмка жараёнлари бўлиб туради.
Севара Назархон
Ўзбекистонда хизмат кўрсатган артист Севара Назархон турмуш ўртоғи ҳамда фарзандлари билан Англиянинг Лондон шаҳрида истиқомат қилади. Шунга қарамай у тўйлар ва тадбирларга таклифлар боис Тошкентга жуда серқатнов. Севара Тошкентга келганида онасининг уйида яшайди. Хонанда онасининг ҳовлисидан тез-тез мухлислари учун репортажлар тайёрлаб туради. Севаранининг қизи Имон Анвар бувисининг ҳовлисидаги қишин ёзин ишлаб турадиган бассейнда чўмилишни яхши кўради.
Муниса Ризаева
Хонандаликдан ташқари кўчмас мулк бизнеси билан шуғулланадиган Муниса Ризаеванинг Тошкент шаҳрида бир нечта уйлари бор. У айрим хонадонларни коробка ҳолатда харид қилиб таъмирлаб сотади.
Хонанданинг уйидаги гардероб ателье ва дўконларни эслатади, унда жуда кўп турдаги кийимлар бор. Муниса Ризаева битта кийимни кўпи билан икки маротаба кийишини, даромадининг 80 фоизини кийим харид қилишга сарфлашини айтди. Унинг гардероби 500 квадрат метр майдонда жойлашган 8 та хонани ўз ичига олади.
Муниса Ризаева аввалроқ Tashkent City’дан ҳам уй сотиб олган эди. Кейинроқ эса одамлар яшашга қўймаётгани сабабли у ердаги ҳашаматли хонадонини 420 минг долларга сотувга қўйганини маълум қилди.
Ситора Фармонова
Актриса, телебошловчи Ситора Фармонова ўзи яшайдиган уй ҳовлисини мухлисларига намойиш қилди. У уйининг ҳовлисида ҳайвонот боғи борлигини айтган.
Зиёда
Зиёда Тошкент шаҳридаги шинам ҳовлисида фарзандлари ва турмуш ўртоғи билан бирга яшайди. Хонанданинг уйи замонавий талаблар асосида қурилган.
Бундан ташқари у Tashkent City’дан ҳам хонадон харид қилган, бироқ бу уйнинг таъмирлаш ишлари ҳали якунига етмаган.
Феруза Норматова
Инстаблогер ва актриса Феруза Норматованинг пойтахтда бир нечта уйи бор. Актриса янги қурилган турар жой мажмуаларидан биридаги замонавий таъмирланган хонадонда яшайди.
Феруза Норматова ота-онасига ҳам янги қурилаётган мажмуадан уй совға қилганидан кейин унинг уйлари сони учтага етган эди.
Нилуфар Усмонова
Нилуфар Усмонованинг Тошкент шаҳрида жойлашган ҳашаматли уйи бор. Уй замонавий шароитларга эга бўлиб унда болалар учун мўлжалланган бассейн ва кўплаб хоналар мавжуд. Юлдуз Усмонованинг онаси Раҳима ҳожи она невараси Нилуфарникида яшаган. Шу боис унинг вафотидан сўнг, Юлдуз Усмонова ҳар пайшанба куни қизиникига келиб, ўз қўллари билан таомлар тайёрлаб, онасининг ҳаққига Қуръон тиловат қилар эди.
Дилдора Ниёзова
Дилдора Ниёзова турмуш ўртоғи ҳамда фарзандлари билан Тошкентдаги ҳашаматли ҳовлисида яшайди. Хонанданинг ҳовлисига турли манзарали ўсимликлар экилган, кичик ҳайвонот боғи ҳам мавжуд. Дилдора Ниёзова хонадонида меҳмон кутишни яхши кўради.
Рашид Холиқов
Рашид Холиқовнинг уйи ҳашаматлилиги билан бошқа ҳамкасблариникидан қолишмайди. Бир неча қаватдан иборат ҳовлида хонанда тўрт фарзанди, икки келини ва икки невараси билан бирга яшайди. Унинг уйи ҳам ҳашаматли хонадонида фарзандлари ва турмуш ўртоғи билан бирга истиқомат қилади. Хонанданинг уйида катта қишки гараж мавжуд, ундан эса Lexus, Mercedes, KIA ҳамда Malibu каби қимматбаҳо автомобиллар ўрин эгаллаган.
Лола
Айни пайтда оиласи билан Россиянинг Москва шаҳрида яшайдиган Лола яқинда Тошкент шаҳридан ҳам хонадон харид қилди. Ҳозирда унинг ушбу хонадонида таъмирлаш ишлари олиб борилмоқда.
У аввалроқ Тошкентдаги хонадонини суст таъмирлаётган усталарни алмаштиришга қарор қилган эди.
Малика Равшанова
Хонанда Малика Равшанова ҳозир яшаётган уйидан ташқари яна ҳашаматли ҳовли қурмоқда.
Бундан ташқари у янги қурилаётган хонадон сотиб олган ва у ҳамкасблари Нодир Зоитов ва Ширин билан қўшни бўлган.
Шерали Жўраев
Ўзбекистон халқ артисти Шерали Жўраевнинг хонадони жуда катта майдондан иборат. Уй икки қаватдан ташкил топган ва ҳашаматли кўринишга эга. Хонанда туғилган кун ва бошқа оилавий тадбирларни уйида ўтказади.
Иззат Шукуров
Таниқли санъаткор Тоживой Шукуровнинг ўғли Иззат Шукуров тўйи муносабати билан кузатувчиларига ҳашаматли хонадонини кўрсатди.
Зебо Наврўзова
Продюсер ва режиссёр Зебо Наврўзова пойтахтдаги ҳашаматли хонадонида кичик ўғли ҳамда келини билан бирга яшайди. Катта майдонда жойлашган уй ҳовлисида яшил ҳудуд мавжуд бўлиб, у ерга турли хил манзарали ўсимликлар ҳамда гуллар экилган.
Улуғбек Раҳматуллаев
Хонанда Улуғбек Раҳматуллаев шахсий ҳаёти билан боғлиқ маълумотларни кўп ҳам ошкор қилавермайди. У яқинда Instagram’даги саҳифаси орқали замонавий таъмирланган уйининг бир қисмини кузатувчиларига кўрсатди.
Рихситилла Абдуллаев
Телебошловчи, актёр Рихситилла Абдуллаев фарзандлари ва турмуш ўртоғи билан бирга ҳашаматли, замонавий шароитларга эга хонадонида яшайди.
Бунёдбек Саидов
Бунёдбек Саидов Хоразмдаги уйида ота-онаси, фарзандлари ва турмуш ўртоғи билан бирга истиқомат қилади.
Равшан Комилов
Эл ардоғидаги хонанда Равшан Комилов ҳашаматли уйига алоҳида эътибор қаратади ва хонадонида ободонлаштириш ишларини олиб боради.
«Via Marokand» гуруҳининг аъзоси Асал яқинда пойтахтдан шинамгина хонадон харид қилди.
Саида Раметова
Эл ардоғидаги актриса Саида Раметова ҳам шинам хонадонида иккинчи ўғли Азиз ҳамда келини билан бирга яшайди. Актрисанинг уйига кўплаб шогирдлари меҳмондорчиликка бориб туради.
Мадина Мумтоз
Собиқ хонанда актриса Мадина Мумтознинг уйи ҳам ҳашаматли уйлар сафига киради. Унинг уйи классик услубда қурилган бир нечта хоналардан ташкил топган. Ҳозирда фудблогерлик фаолияти билан шуғулланаётган Мадина хонадонидан тез-тез мухлислари учун репортажлар тайёрлаб туради.
Раъно Ярашева
Актриса Раъно Ярашеванинг Олмазор туманида жойлашган уйи ҳам ҳавас қилгулик. Актрисанинг уйидан меҳмон аримайди.
Аслиддин Дўстов
Хонанда Аслиддин Дўстовнинг уйи икки қаватли ва ҳашаматли кўринишга эга.
Ёрқинхўжа Умаров
Хонанда Ёрқинхўжа Умаровнинг янги қурилган ҳовлиси оддий, бироқ замонавий таъмирланган. У синглисини шу уйдан турмушга узатди.
Мавлуда Асалхўжаева
Мавлуда Асалхўжаеванинг уйи икки қаватли, ҳашаматли ва замонавий шароитларга эга ҳовли ҳисобланади.
Шоҳруҳхон ва Асал Шодиева
Озбек шоу-бизнесидаги энг чиройли жуфтликлардан бири Шоҳруҳхон ҳамда Асал Шодиева пойтахт марказидаги янги қурилган уйлардан бирида, майдони катта бўлган хонадонда истиқомат қилади. Жуфтликнинг уйи оқ рангда бўлиб, мебеллар, қандиллар ҳаттоки ундаги ҳамма жиҳозлар ҳам оқ рангда.
Сайёра Қозиева
Хонанда Сайёра Қозиеванинг уйи уч қаватдан иборат. Унинг уйи ҳам ҳашаматли бўлиб яқинлари ва қариндошлари меҳмондорчиликка келиб туради.
Изоҳ (0)