Ўзбек шоу-бизнеси вакиллари суратга олиш ишлари ва ижод қилишдан ташқари бир нечта тўй хизматига боришга ҳам улгуради. Айрим санъаткорлар бир кунда нечта тўй хизматига боришини маълум қилди.
Нилуфар Усмонова
«Бир кунда тўртта тўйга боришим мумкин. Тўйларда онамнинг қўшиқларини куйлашимнинг сабаби мухлисларнинг ўзи шуни сўрайди. Гоҳида 2 та Юлдуз Усмонованинг мусиқаларини, 2 та ўзимнинг мусиқаларимни ёки 3 та ўзимникидан, 2 та уларнинг рэпертуарларидан айтаман. Кимдир умуман йўқ мусиқаларни сўрайди, кейин биз Google’га кириб сўзларини топиб айтишга ҳаракат қиламиз» , — дейди хонанда.
Зиёда
«Бир кунда тўрттагача тўй хизматига бора оламан. Кўпинча тўйларда ‘Хаёлим’ таронасини ижро этишимнинг сабаби халқимиз бу қўшиқни жуда ҳам яхши кўради. Рэпертуарим ўзгариши ҳам мумкин, чунки ҳар хил давраларга борамиз ва шунга қараб қўямиз» , — дейди Зиёда.
Муниса Ризаева
Муниса Ризаева Instagram’даги саҳифаси орқали кунига 5-8 та тўйга бориши, ҳар битта тўйдан 1000 доллар топиши ҳақида айтиб ўтди.
«Ҳар куни 5-8 та тўйга бораман, умуман дам олмасдан ҳар куни ишлаймиз. Битта тўйга хизмат қилишим 1000 долларга боради» , — дейди хонанда.
Имрон
«Бир кунда 4 тагача тўй хизматига борамиз. Баъзида қўшиқлар кетма-кетлигини тузиб беришади, баъзан ўзимиз айтамиз» , — дейди Имрон.
Нилуфар Сотиболдиева
«Бир кунда энг кўпи билан 3 маротаба тўйга борганман: эрталаб, тушки пайт ва кечқурун. Бироқ ўша пайти эрталаб тўйга эмас, тадбирга боргандим. Кечки пайт тўйлар, бешик тўйи, туғилган кун, ҳар хил маросимлар бўлиши мумкин. Баъзи пайтлар эса кундузги пайтда ҳам тўйларни ўтказганман.
Гоҳида «бирров»га бошловчи бўламиз, лекин нарх ўзгармайди, ўша-ўша. Биз бошловчилар доим бир хил нархни ушлаб турамиз, бир кунлик хизматга ҳам, ‘бирров’га борсак ҳам» , — дейди телебошловчи Нилуфар Сотиболдиева.
Ёрқинхўжа Умаров
«Бир кунда ҳар хил бўлади. Масалан баъзи пайтлар битта тўйда бошидан охиригача хизмат қиламиз, баъзи пайт эса 15-20 дақиқа куйлайман, шундай пайтларда 3 та ёки 4 та тўй хизматига бораман. Гоҳида орасида ҳам 1 та тўйга бориб келишим мумкин.
Тўйга файз бериш ўзимизга боғлиқ. Энг яхши кўриб тингланадиган мусиқам ‘Дилором таронаси’ , — дейди хонанда.
Мавзуга доир:
Изоҳ (0)