Ўзбекистонда Октай Кайнаржа иштирокида ишланаётган сериал, янги мавсумда томошабинлар хайрлашадиган қаҳрамонлар. Турк киноси янгиликлари

Турк кино оламида воқеалар тез ва кутилмаган тарзда ривожланмоқда. Ёзги таътилда якунланадиган лойиҳалар ҳар доим ҳам аввалги таркиб билан қайтмайди. Ушбу мавсумда Фаҳрие Эвжен — «Алпарслон», Берк Октай, Эда Эже, Шеввал Сам — «Қора ният», Энгин Алтан Дузятан — «Ака-ука Барбаросслар» сериалини тарк этганди. Энди эса яна уч нафар актёр янги мавсумда иштирок этаётган лойиҳалар билан хайрлашишини маълум қилди, деб ёзади «Яндекс Дзен».

«Ташкилот» сериали мухлислари кейинги мавсумда бош қаҳрамонлардан бири —  Чағлар Эртуғрулни кўрмайди. У актёрлар жамоасини тарк этади ва учинчи мавсумда иштирок этмайди. Актёрда узоқ вақтдан бери лойиҳани тарк этиш режаси бўлган, аммо продюсер уни доимо қолишга кўндириб келган. Ва ниҳоят Чағлар лойиҳани тарк этишга қарор қилди. Ҳозирча янги лойиҳалар ҳақида ҳеч нарса маълум эмас. Энди продюсер «Ташкилот» лойиҳасининг бош эркак роли учун актёр қидирмоқда. Бунинг ажабланарли жойи йўқ, кўп мавсумли лойиҳалар актёрларнинг доимий равишда ўзгариши билан ажралиб туради.

Бир неча мавсумдан бери «Қасам» сериалида рол ўйнаган Гўкберк Демиржи ҳам мазкур лойиҳа билан хайрлашиб, янги таклифлар кутмоқда.

Улаш Туна Астепе ҳам ўтган мавсумда иштирок этган лойиҳани тарк этди. «Ака-ука Барбаросслар: Ўрта Ер денгизи қиличи» сериалида машҳур тўрт ака-ука ролини ўйнаган барча актёрлар сериални тарк этди. Лойиҳанинг иккинчи қисмини Улаш ижро этган Ҳизир (Ҳайриддин)га бағишлаш режалаштирилган эди. Давлат канали ушбу лойиҳага бир йилдан ортиқ тайёргарлик кўрган ва мавсумнинг энг қиммат сериалига айланганди, бироқ нимадир нотўғри кетган кўринади, рейтинглар пасайиб кетди. Давлат канали ҳатто паст рейтинглар билан ҳам лойиҳани кенгайтиришга рухсат берди. Сериалнинг давомини суратга олиш ишлари бошланган бўлса-да, сюжет катта ўзгаришларга учради. Воқеаларга кўра, сериал орадан кўп вақт ўтган, Ҳайриддин Пошо шон-шуҳрат чўққисида, 40 ёшдан кейинги ҳаёти ҳақида ҳикоя қилади. Сериалда бош ролни ким ижро этиши ҳозирча номаълум.

Улаш Туна эса «биродар»ларига эргашиб, сериални тарк этишга қарор қилди ва энди шифокорлар ҳаёти ҳақида ҳикоя қилувчи яна бир «Янги Истанбул» лойиҳасида иштирок этиш учун келишувлар олиб бормоқда. Янги лойиҳада Туна касалхонанинг бош шифокори ролини ўйнаши мумкин.

«Азиз» ўрнига «Фаррош»

Нафақат актёрлар, балки режиссёрлар ҳам лойиҳаларни тарк этиши мумкин. Аммо бу ҳолат камдан-кам учрайди, рейтингларнинг пасайиши билан бутун суратга олиш гуруҳи тез-тез ўзгаради — режиссёрлар, сценарий муаллифлари. Демак, «Азиз» сериалида режиссёр курсисини Режаи Карағёз бўш қолдирди. У янги лойиҳа устида ишламоқда — Аргентинанинг «Фаррош» сериали ремейки. Унинг аввалги ўрнини Незакет Жошкун эгаллайди.

Disney + Netflix’дан лойиҳани олиб қўяди? Ким ғолиб чиқади?

Netflix бир неча йиллардан бери бош ролни Чағатой Улусой ижро этиши керак бўлган Ўрхан Памукнинг «Иффат музейи» китобини экранга мослаштиришга тайёргарлик кўраётган эди. У лойиҳанинг продюсери ҳам эди. RTУК илтимосига кўра бош ролни турк эмас, хорижлик актриса ижро этиши керак бўлган.

Аммо ёзувчи сценарийни маъқулламагани учун иш чўзилиб кетди ва лойиҳа тўхтаб қолди. Энди Disney+ рақамли платформаси ва «Ай Япıм» кинокомпанияси бу масалани ўз қўлларига олишга қарор қилди ва Нобель мукофоти совриндори бўлган ушбу адабий асарни фильмга айлантириш бўйича музокараларни бошлади.

Агар келишув кучга кирса, у ҳолда Netflix’нинг Туркиядаги юзи бўлгани учун Чағатай Улусой лойиҳада ўйнай олмайди. Чунки Disney + учун янги сериални ушбу рақамли платформа билан шартнома имзолаган актёрлар ижро этади. Агар келишув амалга ошса, Алина Боз бош ролни ўйнаши мумкинлиги ҳақида маълумотлар мавжуд. Лойиҳа яратувчилари эса Бурак Денизни асосий эркак ролига таклиф қилишни режалаштирмоқда. Келишувга кўра, сериал Disney+ учун суратга олинса, улар яна битта лойиҳада суратга олиш майдончасида учрашади. Улар аллақачон «Марашлик» сериалида ўйнашган, сериалнинг Жалол-Маҳур жуфтлиги томошабинлар меҳрини қозонган.

«Бу дунёга сиғмайман» — куз-қиш мавсумининг янгилиги

«Бу дунёга сиғмайман» сериали суратга олиш майдонини кенгайтиради. Лойиҳа устидаги ишлар нафақат Истанбулда, балки Ўзбекистонда, хусусан, суратга олиш гуруҳи айни дамда бўлган Бухоро ва Самарқандда ҳам олиб борилмоқда. 2022 йил 21 июль кунига лойиҳа ишчилари Истанбулга қайтишни режалаштирган. Маълумки, суратга олиш ишлари яна бир қанча мамлакатларда бўлиб ўтади, чунки бош қаҳрамон Туркия ҳукумати ишониб топширган ишни бажариши керак ва шу сабабли у ўз иш бўйича кўплаб хорижий мамлакатларга ташриф буюришга мажбур.

Бош ролни Октай Кайранжа ижро этган, шунингдек, у лойиҳа продюсери ҳам ҳисобланади. Режиссёр — Онур Тан. Актёрлар таркиби аллақачон шакллантирилган, лойиҳани суратга олиш ишлари бошланган.

Сюжетда бой ва нуфузли оиладан бўлган Жезаир Турк акасининг ўлимига сабабчи бўлганларни ўлдириб, ўч олгани учун мамлакатни тарк этишга мажбур бўлгани ҳақида ҳикоя қилинади. Унинг оиласи Жезаирни ўлган деб ҳисоблайди ва йиллар давомида мотам тутади. Дарҳақиқат, у хорижда Туркия ҳукуматидан топшириқ бўлганлиги сабабли икки томонлама ҳаёт кечиради.

«Чегара билмас шифокорлар» ташкилотида ишлайдиган аёл билан танишиш унинг ҳаётидаги бурилиш нуқтаси бўлди. У севган аёли билан ҳаёт қуриш учун ўтмишини тартибга солиши керак.

Мурат Боз ва Буржу Ўзберк битта лойиҳада

Мурат Боз ва Буржу Ўзберк турк кино компаниялари билан эндигина ҳамкорлик қила бошлаган Amazon рақамли платформаси учун бир лойиҳада «Тушда кўрасан» фильмида рол ўйнайди. Мурат сўнгги пайтларда телевизорда кўринмай қолган, у рақамли платформалар учун лойиҳаларда иштирок этишни афзал кўради.