O‘zbek shou-biznesi vakillarining shaxsiy hayoti, mashinasi va yashayotgan uyi bilan bog‘liq ma’lumotlar ko‘pchilikka qiziq. Ularning ayrimlari hashamatli uyda yashasa, ayrimlari oddiy, fayzli uyda yashashni ma’qul ko‘radi. Ba’zi san’atkorlarning esa chet davlatlarida ham uyi bor.
Yulduz Usmonova
O‘zbekiston xalq artisti Yulduz Usmonova turmush o‘rtog‘i Mansur Agaliyev bilan birgalikda istiqomat qiladigan ikki qavatli hashamatli uy poytaxt markazida joylashgan bo‘lib, uyning hovlisida gulzor ham mavjud. Xonanda ijoddan bo‘sh vaqtida hovlisiga turli gullar ekish hamda ularni parvarish qilish bilan shug‘ullanadi. Usmonovaning hovlisida yozgi oshxona ham mavjud bo‘lib, u uyida mehmon kutishni yaxshi ko‘radi hamda tez-tez o‘z qo‘llari bilan taom tayyorlab turadi.
Shuningdek, primadonnaning uyida katta issiqxona ham bor. Yulduz Usmonova bu yerda mavsumiy sabzavotlar hamda ko‘katlarni yetishtiradi.
Kaniza
Kaniza 2022-yilning boshida Tashkent City’dan xonadon va mashina sotib olgan edi. Keyinroq u yangi uyining oldida hattoki rasmga tusha olmayotganini aytib arz qilgan.
Zarina Nizomiddinova
Zarina Nizomiddinovaning Toshkent shahrida va Moskvada uyi bor. Hozir Moskvada yashayotgan aktrisaning uyi zamonaviy sharoitlarga ega. Aktrisaning Toshkentdagi uyi juda hashamatli va zamonaviy sharoitlarga ega.
Aktrisaning Toshkentdagi uyi ham hashamatli qurilgan va u farzandlari bilan bu yerdagi uyiga kelib turadi.
Saida Saidbekova
Aktrisa Saida Saidbekova bankda bo‘lim boshlig‘i bo‘lib ishlaydigan turmush o‘rtog‘i unga Malibu hamda Trailblazer avtomobillari olib bergani, ular katta va hashamatli “uchastka”da yashashlari haqida muxlislariga so‘zlab bergan edi. Saidaning xonadonida serial hamda filmlar syomka jarayonlari bo‘lib turadi.
Sevara Nazarxon
O‘zbekistonda xizmat ko‘rsatgan artist Sevara Nazarxon turmush o‘rtog‘i hamda farzandlari bilan Angliyaning London shahrida istiqomat qiladi. Shunga qaramay u to‘ylar va tadbirlarga takliflar bois Toshkentga juda serqatnov. Sevara Toshkentga kelganida onasining uyida yashaydi. Xonanda onasining hovlisidan tez-tez muxlislari uchun reportajlar tayyorlab turadi. Sevaranining qizi Imon Anvar buvisining hovlisidagi qishin yozin ishlab turadigan basseynda cho‘milishni yaxshi ko‘radi.
Munisa Rizayeva
Xonandalikdan tashqari ko‘chmas mulk biznesi bilan shug‘ullanadigan Munisa Rizayevaning Toshkent shahrida bir nechta uylari bor. U ayrim xonadonlarni korobka holatda xarid qilib ta’mirlab sotadi.
Xonandaning uyidagi garderob atelye va do‘konlarni eslatadi, unda juda ko‘p turdagi kiyimlar bor. Munisa Rizayeva bitta kiyimni ko‘pi bilan ikki marotaba kiyishini, daromadining 80 foizini kiyim xarid qilishga sarflashini aytdi. Uning garderobi 500 kvadrat metr maydonda joylashgan 8 ta xonani o‘z ichiga oladi.
Munisa Rizayeva avvalroq Tashkent City’dan ham uy sotib olgan edi. Keyinroq esa odamlar yashashga qo‘ymayotgani sababli u yerdagi hashamatli xonadonini 420 ming dollarga sotuvga qo‘yganini ma’lum qildi.
Sitora Farmonova
Aktrisa, teleboshlovchi Sitora Farmonova o‘zi yashaydigan uy hovlisini muxlislariga namoyish qildi. U uyining hovlisida hayvonot bog‘i borligini aytgan.
Ziyoda
Ziyoda Toshkent shahridagi shinam hovlisida farzandlari va turmush o‘rtog‘i bilan birga yashaydi. Xonandaning uyi zamonaviy talablar asosida qurilgan.
Bundan tashqari u Tashkent City’dan ham xonadon xarid qilgan, biroq bu uyning ta’mirlash ishlari hali yakuniga yetmagan.
Feruza Normatova
Instabloger va aktrisa Feruza Normatovaning poytaxtda bir nechta uyi bor. Aktrisa yangi qurilgan turar joy majmualaridan biridagi zamonaviy ta’mirlangan xonadonda yashaydi.
Feruza Normatova ota-onasiga ham yangi qurilayotgan majmuadan uy sovg‘a qilganidan keyin uning uylari soni uchtaga yetgan edi.
Nilufar Usmonova
Nilufar Usmonovaning Toshkent shahrida joylashgan hashamatli uyi bor. Uy zamonaviy sharoitlarga ega bo‘lib unda bolalar uchun mo‘ljallangan basseyn va ko‘plab xonalar mavjud. Yulduz Usmonovaning onasi Rahima hoji ona nevarasi Nilufarnikida yashagan. Shu bois uning vafotidan so‘ng, Yulduz Usmonova har payshanba kuni qizinikiga kelib, o‘z qo‘llari bilan taomlar tayyorlab, onasining haqqiga Qur’on tilovat qilar edi.
Dildora Niyozova
Dildora Niyozova turmush o‘rtog‘i hamda farzandlari bilan Toshkentdagi hashamatli hovlisida yashaydi. Xonandaning hovlisiga turli manzarali o‘simliklar ekilgan, kichik hayvonot bog‘i ham mavjud. Dildora Niyozova xonadonida mehmon kutishni yaxshi ko‘radi.
Rashid Xoliqov
Rashid Xoliqovning uyi hashamatliligi bilan boshqa hamkasblarinikidan qolishmaydi. Bir necha qavatdan iborat hovlida xonanda to‘rt farzandi, ikki kelini va ikki nevarasi bilan birga yashaydi. Uning uyi ham hashamatli xonadonida farzandlari va turmush o‘rtog‘i bilan birga istiqomat qiladi. Xonandaning uyida katta qishki garaj mavjud, undan esa Lexus, Mercedes, KIA hamda Malibu kabi qimmatbaho avtomobillar o‘rin egallagan.
Lola
Ayni paytda oilasi bilan Rossiyaning Moskva shahrida yashaydigan Lola yaqinda Toshkent shahridan ham xonadon xarid qildi. Hozirda uning ushbu xonadonida ta’mirlash ishlari olib borilmoqda.
U avvalroq Toshkentdagi xonadonini sust ta’mirlayotgan ustalarni almashtirishga qaror qilgan edi.
Malika Ravshanova
Xonanda Malika Ravshanova hozir yashayotgan uyidan tashqari yana hashamatli hovli qurmoqda.
Bundan tashqari u yangi qurilayotgan xonadon sotib olgan va u hamkasblari Nodir Zoitov va Shirin bilan qo‘shni bo‘lgan.
Sherali Jo‘rayev
O‘zbekiston xalq artisti Sherali Jo‘rayevning xonadoni juda katta maydondan iborat. Uy ikki qavatdan tashkil topgan va hashamatli ko‘rinishga ega. Xonanda tug‘ilgan kun va boshqa oilaviy tadbirlarni uyida o‘tkazadi.
Izzat Shukurov
Taniqli san’atkor Tojivoy Shukurovning o‘g‘li Izzat Shukurov to‘yi munosabati bilan kuzatuvchilariga hashamatli xonadonini ko‘rsatdi.
Zebo Navro‘zova
Prodyuser va rejissor Zebo Navro‘zova poytaxtdagi hashamatli xonadonida kichik o‘g‘li hamda kelini bilan birga yashaydi. Katta maydonda joylashgan uy hovlisida yashil hudud mavjud bo‘lib, u yerga turli xil manzarali o‘simliklar hamda gullar ekilgan.
Ulug‘bek Rahmatullayev
Xonanda Ulug‘bek Rahmatullayev shaxsiy hayoti bilan bog‘liq ma’lumotlarni ko‘p ham oshkor qilavermaydi. U yaqinda Instagram’dagi sahifasi orqali zamonaviy ta’mirlangan uyining bir qismini kuzatuvchilariga ko‘rsatdi.
Rixsitilla Abdullayev
Teleboshlovchi, aktyor Rixsitilla Abdullayev farzandlari va turmush o‘rtog‘i bilan birga hashamatli, zamonaviy sharoitlarga ega xonadonida yashaydi.
Bunyodbek Saidov
Bunyodbek Saidov Xorazmdagi uyida ota-onasi, farzandlari va turmush o‘rtog‘i bilan birga istiqomat qiladi.
Ravshan Komilov
El ardog‘idagi xonanda Ravshan Komilov hashamatli uyiga alohida e’tibor qaratadi va xonadonida obodonlashtirish ishlarini olib boradi.
“Via Marokand” guruhining a’zosi Asal yaqinda poytaxtdan shinamgina xonadon xarid qildi.
Saida Rametova
El ardog‘idagi aktrisa Saida Rametova ham shinam xonadonida ikkinchi o‘g‘li Aziz hamda kelini bilan birga yashaydi. Aktrisaning uyiga ko‘plab shogirdlari mehmondorchilikka borib turadi.
Madina Mumtoz
Sobiq xonanda aktrisa Madina Mumtozning uyi ham hashamatli uylar safiga kiradi. Uning uyi klassik uslubda qurilgan bir nechta xonalardan tashkil topgan. Hozirda fudblogerlik faoliyati bilan shug‘ullanayotgan Madina xonadonidan tez-tez muxlislari uchun reportajlar tayyorlab turadi.
Ra’no Yarasheva
Aktrisa Ra’no Yarashevaning Olmazor tumanida joylashgan uyi ham havas qilgulik. Aktrisaning uyidan mehmon arimaydi.
Asliddin Do‘stov
Xonanda Asliddin Do‘stovning uyi ikki qavatli va hashamatli ko‘rinishga ega.
Yorqinxo‘ja Umarov
Xonanda Yorqinxo‘ja Umarovning yangi qurilgan hovlisi oddiy, biroq zamonaviy ta’mirlangan. U singlisini shu uydan turmushga uzatdi.
Mavluda Asalxo‘jayeva
Mavluda Asalxo‘jayevaning uyi ikki qavatli, hashamatli va zamonaviy sharoitlarga ega hovli hisoblanadi.
Shohruhxon va Asal Shodiyeva
Ozbek shou-biznesidagi eng chiroyli juftliklardan biri Shohruhxon hamda Asal Shodiyeva poytaxt markazidagi yangi qurilgan uylardan birida, maydoni katta bo‘lgan xonadonda istiqomat qiladi. Juftlikning uyi oq rangda bo‘lib, mebellar, qandillar hattoki undagi hamma jihozlar ham oq rangda.
Sayyora Qoziyeva
Xonanda Sayyora Qoziyevaning uyi uch qavatdan iborat. Uning uyi ham hashamatli bo‘lib yaqinlari va qarindoshlari mehmondorchilikka kelib turadi.
Izoh (0)