Агар термометр муқаррар равишда 30 даражага етса, организм иссиқдан азият чекади. Албатта, бундай вақтда кондиционер остида бўлиш ёки салқин душ қабул қилиш мумкин, лекин овқатланиш ҳақида ҳам унутмаслик керак. «Новий очаг» нашри ташқарида ҳаво иссиқ бўлганда, амал қилиш керак бўлган ўнта муҳим қоида билан таништирди.
1-қоида: Қўшимча суюқлик
Иссиқ ҳавода хом сабзавот ва кўкатларни истеъмол қилган маъқул. Айниқса таркибида 70 фоиз ёки ундан кўп сув бўлганларини рационга киритиш керак. Буларга бодринг, турп, салат, селдер ва исмалоқни мисол қилиш мумкин.
2-қоида: Мева ҳақида унутманг
Сабзавотлар сингари мевалар (айниқса, хом ҳолда) организмни совитиш таъсирига эга. Кунни тўйимли смузи билан бошлаш, овқатлар орасида мева истеъмол қилиш ёки ичимлик сувига бир неча бўлак қўшиш тавсия этилади.
3-қоида: Денгиз ўтлари
Денгиз ўтларини рационга қўшиш тавсия этилади. Терлаш туфайли организм муҳим элементлар — калий, магний ва натрийни йўқотади. Денгиз ўтлари уларнинг етишмаслигининг олдини олади, шунингдек, денгиз ва океандан узоқда жойлашган баланд тоғлар ва минтақалар аҳолиси учун жуда кам бўлган ёд билан организмни тўйинтиради.
4-қоида: Гўшт ўрнига балиқ
Хитой тиббиёти балиқларни истеъмол қилгандан сўнг тана ҳароратини пасайтиради, деб билади. Шунинг учун иссиқ мавсумда ҳам балиқни рациондан чиқариб юбормаслик тавсия этилади.
5-қоида: Кўкатлар
Баъзи кўкатлар организмга совитувчи сифатида таъсир кўрсатади. Ҳар қандай ўсимлик барги ўзига хос фойдали хусусиятга эга бўлиб, уларни нафақат таом, балки ичимликларга ҳам қўшиш мумкин.
6-қоида: Аччиқ овқат ва иссиқ ичимликлар
Ишониш қийин, лекин аччиқ таомлар ва иссиқ ичимликлар Яқин Шарқ, Африка ва Осиё аҳолисини иссиқдан қутқаради. Гап шундаки, зираворлар ва чой одамни терлатади ва терини табиий равишда совитади.
7-қоида: Сув ичишни кўпайтириш
Бу аниқ эмас, лекин иссиқда организмга қўшимча суюқлик керак. Агар оддий сув ичиш қийинчилик туғдирса, унга бир неча бўлак бодринг, резавор, лимон шарбати ёки икки ёки учта лимон баргларини қўшиб кўриш мумкин. Ичимлик дарҳол ёқимли таъм ва ҳидга эга бўлади.
8-қоида: Тўхтатиш керак бўлган маҳсулотлар рўйхати
Иссиқ ҳавода организм катта стресс остида қолади. Шунинг учун уни оғир овқат ҳазм қилишдан қутқариш керак. Гўшт, спиртли ичимликлар, қаҳва, торт ва бошқа юқори калорияли ширинликлар, газланган ичимликлар, ун маҳсулотлари ва сигаретлардан иссиқда вақтинча воз кечиш тавсия этилади.
9-қоида: Тезпишар таомлар
Қиш учун пишириладиган маҳсулотларни қолдириб, ёзда хомларини истеъмол қилиш афзалроқ. Агар бунинг иложи бўлмаса, уларни аралаш ҳолда, буғда димлаш, қовуриш ёки пишириб тановул қилиш мумкин.
10-қоида: Ортиқча овқатланманг
Японлар дастурхондан озгина оч ҳолатда туриш керак, деб ҳисоблашади. Шарқий узоқ умр кўришнинг бу қоидаси ёзда ҳар қачонгидан ҳам долзарбдир. Иссиқда ортиқча овқатни сув билан алмаштириш керак. Овқатдан ярим соат олдин ичилган бир стакан суюқлик ошқозон бўшлиғини тўлдиради ва тезда тўқлик ҳисси пайдо бўлади. Организмга эса бундай кечки овқатни ҳазм қилиш анча осонлашади.
Изоҳ (0)