Ёзда чивинлардан яшириниб бўлмайди. Ушбу ҳашаротларнинг чақиши натижасида терида бир неча кун давомида қичийдиган кичик шишлар пайдо бўлади. Агар уйингизда қичишиш билан курашишга ёрдам берадиган крем бўлмаса, ошхонангизга қаранг. Муаммони ҳал қиладиган маҳсулотлар бўлиши аниқ. Grazia нашри чивин чаққанидан кейин қичишишни уй шароитида тўхтатишнинг бир нечта лайфхакларини тақдим этди.
Ёрма
Ёрма яллиғланишга қарши хусусиятларга эга. У қичишишдан халос бўлишга ва шишни енгиллаштиришга ёрдам беради. Бир хил миқдордаги ёрма ва сувни аралаштиринг, сўнгра аралашмани кичкина мато бўлагига солинг. Матони чивин чаққан жойга учун 10 дақиқа қўйинг. Кейин эса айнан шу жойни илиқ сувда ювинг. Агар сизни кўп чивин чаққан бўлса ёрма ваннасини қабул қилинг. Бунинг учун сиз илиқ сувга бир стакан ёрма қўшсангиз кифоя.
Муз
Муз яллиғланишни камайтиради ва сизни ноқулайликдан вақтинча халос қилади. Терига зарар бермаслиги учун аввал муз кубини матога ўранг, кейин қичиётган жойга уни бир неча дақиқа давомида қўйиб туринг.
Асал
Ушбу маҳсулот антибактериал ва яллиғланишга қарши хусусиятларга эга. Қичишган тери устига бир томчи асал қўйиш даволаш жараёнини тезлаштиришга ёрдам беради ва муаммони жойида бартараф этади. Терингиз ифлосланса ҳам қичишиш бир зумда тўхтайди.
Истеъмол содаси
Бир ош қошиқ истеъмол содасини сув билан аралаштиринг, суюқлик қаттиқроқ ҳолатга келгунга қадар унга сода қўшиб аралаштиринг. Уни чивин чаққан, қичиётган жойга қўйинг ва 10 дақиқадан сўнг ювиб ташланг. Бу қичишишни енгиллаштиради.
Мойчечак чойи
Мойчечак яллиғланишни камайтиради, даволаш жараёнини тезлаштиради ва теридаги қичишишни камайтиради. Бир халтача мойчечакни бир стакан сувга солинг, сўнг суюқликни музлатгичда совутиб олинг. Халтачадаги сувни сиқиб ташланг ва чивин чаққан жойга 10 дақиқа давомида қўйиб туринг.
Мавзуга доир:
Изоҳ (0)