Сочни тўғри бўяш катта аҳамиятга эга, у нафақат ташқи кўринишингизни ўзгартиради, балки соч толаларингизга ҳам таъсир кўрсатади. Қуйида сочингизни бўяшдан олдин билишингиз керак бўлган 14 та сир келтирилади.
Сочингизни бўяшдан олдин мутахассис билан маслаҳатлашинг
Сочингизни бўяшдан 15-20 дақиқа олдин мутахассис билан учрашинг ва ундан керакли маслаҳатларни олинг. Агар нотўғри рангни танласангиз, бу нафақат аввалги рангни тиклашда анча вақт талаб қилади, балки орзу қилган рангингизни яратишда ҳам қийинчиликни юзага келтиради. Шунинг учун мутахассисга ўз хоҳишингизни айтинг, кейин унинг маслаҳатларини тингланг.
Соч илдизларига алоҳида эътибор беринг
Агар ҳар уч ҳафтада сочингизнинг илдизлари ёрилишини истамасангиз, сартарош маслаҳат берган тор доирадаги ранглардан фойдаланинг.
Ижтимоий тармоқлардаги мутахассисларнинг саҳифасига қаранг
Сочингизни тўғри рангга бўяшни истасангиз, мутахассисларнинг ижтимоий саҳифаларидаги суратларга қараб чиқинг. Кўп ҳолларда улар соч бўяшдан олдин ва кейинги ҳолатлар акс этган суратни саҳифасига жойлаштиради.
Ўзингизга ёққан рангни суратга олинг
Ўзингизга ёққан соч рангини суратга олинг, бу сизнинг расмингиз ёки бирор машҳурларнинг соч ранги бўлиши аҳамиятсиз. Бу мутахассисга қайси рангни орзу қилаётганингизни англатиш ва тушунмовчиликлардан халос бўлишнинг энг яхши йўли. Сурат орқали сиз унга кўп нарсани тушунтиришингиз мумкин.
Ўзингизга ёқмаган рангни ҳам суратга олинг
Агар сиз сочингизнинг рангини ўзгартирмоқчи бўлсангиз ва бу ранг сизга мос келмаслигига ишончингиз комил бўлса, уни ҳам суратга олиб сақлаб қўйинг. Бу ҳам мутахассисга қайси рангни истамаётганингизни ва ёқмаслигини ифодалашнинг энг тўғри йўлидир.
Сочингизга ниқоб қилинг
Қандай қилиб ўзингиз сочингизни бўяшингиз мумкин? Бунинг учун сиз бўяшдан бир кун олдин сочларингизга ниқоб қўлланг. Бўёқ сочларингизни қуритиб юбориши мумкин, агар ниқоб қўлланилса, жуда яхши натижа беради. Ниқобни ювишдан олдин сочларингизни одатдагидан икки баробар кўпроқ муддатга қолдиринг.
Бўёқ қутиси устидаги рангларга алоҳида эътибор беринг
Агар сочингизни биринчи марта бўяётган бўлсангиз, сиз бўёқ қутиси устидаги ранг натижаларига ишониб қолманг. Ҳақиқат шундаки, пигмент сочлар билан ўзаро таъсирлашиб уларни ўзгартириши ва бир йилгача қолиши мумкин. Агар сочингизни тўқ рангга бўяган бўлсангиз, аввалги ҳолатига келиши ёки бошқа рангни сингдириши учун бир йил керак бўлади. Шунинг учун сиз мутахассис билан боғланиб, биринчи марта соч бўяётганингизни айтинг.
Радикал ечимлар керак эмас
Биринчи бўяётган рангингиз сочингизнинг табиий рангидан бироз фарқ қилиши керак. Сочингизни тахмиман бўяманг, радикал тажрибаларнинг оқибати яхши бўлмайди.
Бўяш сочларнинг ҳажмини оширади
Ҳар сафар сочингизни бўяганингизда унинг ташқи томондан тузилиши ҳам ўзгаргандек кўринади. Профессионал бўёқлардан фойдаланганда сиз нафақат чиройли рангга эга бўласиз, балки сочларингиз ҳам соғлом кўринади.
Шампуньингизни ўзгартиринг
Агар биринчи марта сочингизни бўяётган бўлсангиз, сизга янги шампунь ва бальзам керак бўлади. Стилистингиздан қайси восита сизнинг сочингизга мос тушишини сўранг ва унинг маслаҳатига амал қилинг.
Қандай қилиб қуёшдан ҳимояланиш керак?
Соч рангини йўқотмаслик учун шляпалар, шарфлар ёки УВ фильтрли кондиционерлар билан ҳимоя қилишингиз керак бўлади. Бу қуёшли об-ҳавода муҳим. Ёзда ўзингиз орзу қилган соч рангини икки ҳафтада йўқотишингиз мумкин.
Сувдан эҳтиёт бўлинг
Бундан ташқари, сиз бўялган сочларингизни денгиз тузи ва хлорли ҳовузлардан ҳимоя қилишингиз керак. Агар сочингиз сариқ рангда бўлса, яшил рангга айланиши мумкин, қорамтир ранг эса чўмилишдан кейин қизил рангга айланиши мумкин. Бунга йўл қўймаслик учун чўмилишга боришдан олдин ҳар доим сочларингизни кўп миқдорда тоза сув билан намланг. Нам сочлар туз ва хлорли сувни ўзлаштирмайди ва сочингизнинг ранги учун хавфсиз ҳисобланади.
Таътилдан сўнг сочингизни бўянг
Ҳар қандай ҳолатда қуёшли денгиздаги таътилдан кейин сочингизнинг рангини ўз ҳолатига келтириш керак бўлади, шунинг учун бўяшни дам олишдан кейин режалаштиринг.
Соч бўяшдаги нархларга эътибор беринг
Соч бўяшнинг тахминий нархини айтиш қийин. Бу сиз яшаётган шаҳардаги ўртача нархларга ҳам, мутахассиснинг маҳорати, обрўсига ва у ишлатадиган бўёқлар нархига боғлиқ. Аммо сиз арзон нархдаги бўятишни танламаслигингиз керак, чунки сочлар сифатсиз бўялса, пушаймон бўлишингиз аниқ.
Мавзуга доир:
Изоҳ (0)