Малинали мураббо: пишгандан кейин меваларнинг шакли ва рангини сақлаб қолишда ёрдам берадиган 3 маслаҳат

Резавор мевалар сирасига кирувчи малинадан мураббо тайёрлашда унинг рангини ва шаклини сақлаб қолишнинг бир нечта усуллари бор.

Сув билан ювманг

Кўплаб уй бекалари резавор меваларни ювиб қайнатади. Бу ювилиш жараёнида меваларнинг шаклини ва рангини йўқотишига олиб келади. Агар меваларни ўзингиз етиштирган бўлсангиз, уларни ювмасдан қайнатинг. Бу жараёнда уларнинг шакли ва ранги сақланиб қолади.

Меъёрида қўшилган шакар

Агар сиз 1 килограмм малинага худди шунча шакар қўшсангиз, мураббо мукаммал даражада бўлади. Пиширишдан олдин тоза ва қуруқ малиналарни шакар билан аралаштириб бир кеча қолдириш керак.

Махсус пишириш технологиясиБиринчи усул:

Агар сиз малина мураббосини анъанавий тарзда пиширсангиз, резаворларнинг шакли, ранги ва мазасини йўқотишингиз мумкин. Шунинг учун малинани 3 марта танаффус билан қайнатиб олинг ва мураббони стерилланган идишларга қуйинг.

Иккинчи усул:

1. Малина ва шакар бир кеча қолдирилгандан кейин ундан ҳосил бўлган шарбатни тўкиб ташланг ва малина, шакар аралашмасини идишга қуйинг.
2. Шарбатни қайнатиб олинг ва идишдаги резавор мевалар устига иссиқ сиропни солинг.
3. Мураббони қайнатинг ва қайнаган пайтдан 5 дақиқа давомида пиширинг.
4. Стерилланган идишларга иссиқ мураббони қуйинг.

• Малина қўшиб тайёрланадиган шоколадли пирог рецепти
• Кўпроқ малина истеъмол қилишни бошлаш учун 5 сабаб
• Малина ва қаймоқдан тайёрланадиган мазали ширинлик рецепти