Чашка, стакан ва бошқа шиша идишлар вақти-вақти билан синади. «Новий очаг» нашри шикастланмаслик учун шиша синиқларини қандай қилиб тезда йиғиб олиш бўйича тавсиялар бериб ўтди.
Биринчи қадам
Шошилинч чора — болалар ва уй ҳайвонларини хонадан чиқариб туриш тавсия этилади. Улар ўзи билан шиша синиқларини олиб чиқиб кетмаганига ишонч ҳосил қилиш лозим. Кейин бир вақтнинг ўзида бир ёки бир нечта усулда муммони бартараф этиш мумкин.
Чангюткич ёрдамида
Албатта, шиша синиқларини супурги ёрдамида тўплаш мумкин. Лекин кўзга кўринмас майда зарраларни тозалаш учун чангюткич ёрдамга келади. Кўпчилик шиша синиқларини шунчаки чангюткичнинг трубаси ёки вертикал мосламаси билан тозалайди, аммо бу тўғри эмас. Биринчидан, оддий мослама билан керакли жой тозалаб олинади, лекин бурчак ва таг қисмлар учун вертикалидан фойдаланиш мумкин. Бундан ташқари, оддий мослама билан ҳар қандай юзани тозалаш осон. Қурилманинг ўзи ҳақида ташвишланишга ҳожат йўқ: замонавий чангюткичлар шиша синиқларини осонгина ютиб юборади ва уларни контейнерга жойлайди. Сўнгра уни тўғридан-тўғри бирор пакетга бўшатиб, кейин чиқинди қутисига ташлаш керак. Уларни шунчаки чиқиндига ташлаб бўлмайди.
Скотч ёки ёпишқоқ тасма
Агар шиша синган жой жуда катта бўлмаса, масалан, ошхона жавони юзаси бўлса, юза бўйлаб скотч ёки ёпишқоқ лентадан фойдаланиш мумкин. Столда майдаланган синиқларни тозалаш учун аввал чўтка билан олдиндан супуриб ташлаш тавсия этилади. Скотчни тахта ёки полга ёпиштириб, кейин уни бирдан тортиб олиш керак. Баъзилар эса бу борада кийимни тозалаш учун ишлатиладиган ёпишқоқ тасмали оддий роликдан фойдаланади.
Оддий ва қоғоз сочиқлар
Оддий сочиқларга келсак, улар кейинроқ ташлаб юбориладиган бўлиши керак. Ёки эски латталардан фойдаланиш мумкин. Уларни намлаш ва керакли жойга ёйиш керак. Шиша синиқлари ёпишиб қолиши учун сочиқ тахминан ўн дақиқага қолдирилади, сўнгра сочиқни эҳтиёткорлик билан йиғиб, ўраб, челакка ташлаш керак. Бошқа латта ва қоғоз сочиқ билан ҳам худди шу ҳаракат такрорланади.
Кўпинча идишлар раквинадан олинаётганда синади. Раквинадаги синиқлардан халос бўлиш учун биринчи навбатда у ердан барча идишларни ва катта шиша бўлакларини олиб ташлаш лозим. Кейин узун тутқичли чўтка ёки губка ёрдамида синиқлар йиғилиб, бурчакка олиб борилади. Эҳтиёткорлик билан улар челакка ташланади. Чўтка яхшилаб ювилади. Сув босими оширилиб, раквина ичи яхшилаб ювилади.
Куйган лампочка
Лампочканинг куйиши жараёнида шиша синиқлари бир қанча жойларга учиб кетиши мумкин. Шунинг учун, бундай вақтда воқеа содир бўлган хонани тозалаш билан чекланмаслик керак. Яқин атрофдаги жойларни чангюткич билан тозалаб, сўнгра полни, яхшиси, ташлаб юборилиши мумкин бўлган латта билан артиш тавсия этилади. Бундан ташқари, хонадаги мебелни ҳам текшириш керак: кўрпача, диван, креслолар — барчаси кўздан кечирилиши лозим. Агар қўл чангюткичи ёки ёпишқоқ тасма бўлса, улардан ҳам фойдаланиш мумкин.
Қандай бўлмасин, шиша синиқлари олиб ташлангандан сўнг бутун квартиранинг поли ювилиши керак, тозалаш пайтида ва кейин ҳам бироз вақт қалин тагликли уй оёқ кийими кийиш тавсия этилади.
Изоҳ (0)