Таниқли хонанда ва тадбиркор Рианна Forbes журнали эълон қилган АҚШнинг 40 ёшгача бўлган энг бой миллиардерлари рўйхатига киритилди.
Ҳозирда 34 ёшда бўлган юлдуз кетма-кет учинчи йил Forbes журнали эълон қилган Американинг энг ёш бой аёллари рўйхатига киритилди. Хонанда 2022 йилдаги умумий рейтингда 21-ўринни эгаллади. Ҳозирча у 40 ёшгача бўлганлар орасида ягона миллиардер ҳисобланади. Бугунги кунга келиб, унинг умумий бойлиги ҳолати 1,4 миллиард долларга баҳоланмоқда. У мусиқий лойиҳалар, Fenty Beauty ва Fenty Skin косметик брендлари, шунингдек, Savage Х Fenty бренди орқали ҳам пул топади.
Bloomberg’нинг 2022 йил март ойидаги маълумотларига кўра, Savage Х Fenty компанияси ишлаб чиқаришни оширмоқчи экани маълум бўлди. Компания 3 миллиард долларга баҳоланган. Рианна компаниянинг 30 фоиз акцияларга эгалик қилади. Шунингдек, компания 2020 йилда 550 миллион доллар даромад келтирган. Бундан ташқари хонанда Fenty Beauty акцияларининг ярмига эгалик қилади. Fenty брендларига француз LVMH конгломерати вакиллари томонидан асос солинган.
Рианна 2012 йилда иқлим ўзгаришини ўрганиш дастурларига ҳомийлик қилувчи Clara Lionel Foundation (CLF) хайрия жамғармасига асос солган. Орадан бир йил ўтиб илк ташаббуслардан бири MAC Cosmetics компанияси хонанданинг лаб бўёғини сотиш орқали ОИВ, ОИТСга чалинган аёллар ва болалар учун 60 миллион доллар йиғди. Январь ойида эса у Twitter асосчиларидан бири Жек Дорси билан #SmartSmall ташаббусини бошлаб, иқлимни муҳофаза қилиш бўйича турли ташкилотларга 15 миллион доллар хайрия қилди.
Мавзуга доир:
Изоҳ (0)