Голливуд юлдузи Камерон Диас саккиз йиллик танаффусдан сўнг кино оламга қайтди. Маълум бўлишича, актриса режиссёр Сет Гордон ва Netflix ҳамкорлигида суратга олинаётган «Ишга қайтиш» («Back in Action») комедиясида бош ролни ижро этмоқда.
Бу ҳақда актрисанинг мухлислари ва журналистлар Жейми Фокс ўзининг Twitter’ида эълон қилган телефон суҳбатидан билган. Уларнинг сўзларига қараганда, Камерон Диас бироз хавотирда, чунки у 8 йилдан бери суратга олиш жараёнларида қатнашмаган. Бу рол актрисанинг янги ижроси ҳақида расман эълон қилинишидан олдин ўзига хос «киришиши» эди. Кейинчалик Камерон Диас ўзининг ижтимоий тармоқдаги саҳифасига шундай изоҳ қолдирган:
«Жейми Фокс, фақат сиз мени йўлга қайтара оласиз! Мен кута олмайман, бу ажойиб бўлади!»
Маълумот учун, актриса 1972 йил АҚШнинг Калифорния штатида туғилган. У бир муддат моделликда ҳам фаолият юритади. Актрисани 90 йилларда суратга олинган «Ниқоб» фильмидаги ижроси юлдуз даражасига олиб чиқди. Камерон Диас ижросидаги «Нью-Йорк тўдалари», «Марям ҳақида бирор нарса» кинокартиналари миллионлаб мухлисларнинг қалбидан жой эгаллаган. Бундан ташқари у юқорида келтирилган фильмлардаги ижроси учун «Олтин глобус» мукофотига номзод бўлган. Актриса сўнгги йилларда вақтини оилавий ҳаётга бағишлади. У 2015 йилда хонанда Бенжи Мадденга турмушга чиқди. Жуфтлик бундан икки йил олдин биринчи марта ота-она бўлди.
Мавзуга доир: Камерон Диас, Скарлетт Йоханссон ва пластик жарроҳлик орқали ташқи кўринишини ўзгартирган бошқа машҳур аёллар (фото)
Изоҳ (0)