Голливуднинг орзулар меҳнат, сабр ва касбни севиш орқали амалга ошишини исботлаган актёр ва актрисалари (фото)

Баъзилар орзулари ҳақида гапирмасликни афзал кўради, бошқалар эса уларни очиқчасига эълон қилади ва шу билан коинотга сигнал юборади. Бошқалар эса агар улар бирор нарсани жуда хоҳласа, коинот уларга ёрдам беради деб ишонади. Аммо, афсуски, фақат «истаклар рўйхати» етарли эмас — орзуни амалга ошириш жиддий ҳаракатларни талаб қилади.

Деми Ловато

2010 йилнинг 7 февралида қўшиқчи ўзининг Twitter’даги саҳифасида шундай деб ёзади: «Бир кун келиб Суперкубокда миллий мадҳияни куйлайман». Бу кун 10 йил ўтиб келди. 2020 йил 2 февраль куни Деми Ловатонинг орзуси амалга ошди. Унинг ижроси шу қадар ажойиб эдики, бутун дунёни ҳайратда қолдирди.

Крис Хемсворт

Крис Хемсворт болалигидан исмини абадийлаштиришни ҳўл бетонга машқ қилган. Унинг орзуси 2019 йилда рўёбга чиқди — актёр Голливуддаги Шон-шараф хиёбонига ўз исмини ёзди.

Женнифер Лопес

Женнифер Лопес фаолиятини энди бошлаганида аниқ мақсади бор эди: романтик комедияда рол ўйнаш. 52 ёшида у орзусини амалга оширди. Унинг биринчи фильми 2001 йилда «Тўй ғалваси» экранларга чиқди, 2022 йилда эса унинг ижросидаги «Тасодифий киши» романтик комедияси премьераси бўлди.

Крис Претт

2010 йилда саҳна ортидаги кадрда Крис Претт Стивен Спилберг «Юра даври парки» фильмига таклиф қилгани, бироқ у таклифни рад этгани ҳақида ҳазил қилади. Аммо эҳтиёткорлик билан орзу қилиш керак, чунки орзулар рўёбга чиқади. 2015 йилда Крис «Юра олами»да Оуэн Греди ролини ўйнайди.

Жейми Бревер

Чегаралар одатда фақат онгимизда мавжуд ва буни болалигидан шоу-бизнес оламига қизиққан Жейми Бревер амалда исботлади. Ҳеч нарсага қарамай, у актриса бўлиш билан бирга модель сифатида ҳам танилди. Унинг асосий орзуларидан бири ўсмирлар ва қизлар тақлид қиладиган аёл бўлиш эди.

Генри Кавилл

Кўпинча болаликда ўзимизни суперқаҳрамонлардек тасаввур қиламиз, лекин фақат баъзиларгина кино туфайли орзуларини амалга ошириш ва севимли қаҳрамонга айланиш имкониятига эга бўлади. Генри Кавиллда ҳам худди шундай бўлди, у ўз обуначилари билан Супермен тасвирланган футболкада тушган болалигидаги фотосуратини баҳам кўрди.