Россия рублини дунёдаги энг муваффақиятли валюта деб аташ мумкин, чунки йил бошидан бери у евро ва долларга нисбатан 45-50 фоизга мустаҳкамлана олди. Бу ҳақда Le Figaro’да эълон қилинган мақолага таяниб «Lenta.ru» хабар бермоқда.
Маълум бўлишича, Россия валютаси «молиявий беқарорлик океанидаги фаровонлик ороли»га айланган.
Материал муаллифларига кўра, рублнинг муваффақият қозонишида Марказий банк раҳбари Элвира Набиуллина ҳам иштирок этган.
У тезкор чоралар кўргани ва 2014 йилдаги инқирозни енгиб чиққани учун Ғарбдаги ва Осиёдаги ҳамкасблари томонидан жуда катта ҳурматга сазовор бўлди.
Россия Марказий банк асосий ставкани ошириб, валюта айирбошлаш бўйича чекловлар киритган эди.
Le Figaro ҳозирда Россия ва Европа «иқтисодий уруш»ни бошидан кечираётганини қайд этди.
Материал муаллифлари евро қийматининг 1 фоизга пасайиши импортни йилига 0,3 фоизга қимматлашини тушунтирди — бу ўз навбатида, истеъмол нархлари индексида акс этади.
Май ойида Bloomberg ҳам Россия рублини 2022 йилдаги энг яхши жаҳон валютаси деб эълон қилган эди. Валютанинг мустаҳкамланиши Ғарб санкциялари фонида Россия ҳукумати томонидан кўрилган чоралардан сўнг юз берган.
Аввалроқ Ўзбекистонда рубль курси биринчи марта 200 сўмдан ошган эди.
Изоҳ (0)