Ўзбекистонда қайси соҳа вакиллари энг кўп маош олиши маълум бўлди

2022 йил июнь ҳолатига кўра энг кўп маош тўланадиган мутахассисликлар рўйхати маълум қилинди. Бу ҳақда «Дарё»га «hh.uz» хабар берди.

Энг кўп маошли мутахассислик консультация соҳаси бўлиб, унда максимал даражадаги ойлик иш ҳақи 49 млн сўмга тенг бўлган.

2022 йил июнда автомобиль бизнеси билан шуғулланувчи шахслар энг кўп ўртача иш ҳақи олган — 11,7 млн. Маҳаллий ходимлар эса 2,4 млн билан энг кам ўртача иш ҳақига эга.

Турли соҳаларда ўртача ойлик иш ҳақи:

• Олий менежмент — 11,6 млн;
• Консалтинг — 10,4 млн;
• Ахборот технологиялари — 9,5 млн;
• Транспорт, логистика — 8,5 млн;
• Адвокатлар — 7,6 млн;
• Банклар, инвестициялар, лизинг — 7,5 млн;
• Суғурта — 7,2 млн;
• Ишлаб чиқариш, қишлоқ хўжалиги — 7,1 млн;
• Тиббиёт, фармацевтика — 6,8 млн;
• Қурилиш, кўчмас мулк — 6,4 млн;
• Бухгалтерия ҳисоби ва молия — 5,9 млн;
• Ходимларни бошқариш, тренинглар — 5,9 млн;
• Фан, таълим — 5,7 млн;
• Маркетинг, реклама, PR — 5,5 млн;
• Савдо — 5,4 млн;
• Санъат, кўнгилочар, оммавий ахборот воситалари — 5,2 млн;
• Ўрнатиш ва хизмат кўрсатиш — 5,1 млн;
• Ишчи ходимлар — 4,7 млн;
• Туризм, меҳмонхоналар, ресторанлар — 4,3 млн;
• Спорт клублари, гўзаллик салонлари — 3,8 млн;
• Маъмурий ходимлар — 3,5 млн;
• Хом ашё қазиб олиш — 3 млн;
• Хавфсизлик — 2,5 млн;
• Маҳаллий ходимлар — 2,4 млн.

Аввалроқ Ўзбекистондаги омонатлар ҳақида асосий маълумотлар берилган эди.