«Иқтисодий шарҳ» журнали таҳририяти 2022 йил июль ҳолатига кўра Ўзбекистонда аҳолига бирламчи ва иккиламчи бозордан уй-жой хариди учун ажратилаётган фойдали ипотека кредитлари рейтингини тайёрлади.
Кредит шартлари вилоят ва пойтахт аҳолиси учун сотиб олинадиган уй-жойнинг жойлашган жойи, дастлабки тўлови, ипотека кредити миқдори, шунингдек, фоиз ставкаларига қараб фарқланади.
Марказий банкнинг 2022 йил биринчи чорак статистикаси кўра, банклар томонидан аҳоли учун ажратилган ипотека кредитлар жами 2,8 трлн сўмни (260 млн доллар) ташкил этди.
Бирламчи бозорда ипотека
Натижаларга кўра, Ўзбекистондаги 33 та банкдан 17 та банк ипотека кредити ажратаётгани маълум бўлди.
Қуйидаги банклар ипотека кредитлари тақдим этмайди:
- «Asia Alliance Bank»;
- «TBC банк»;
- «Универсал Банк»;
- «Ўзагроэкспортбанк»;
- «Анорбанк»;
- «Туркистон Банк»;
- «Мадад Инвест Банк»;
- «Савдогар Банк»;
- «KDB Bank Uzbekistan»;
- «Садерат Банк»;
- «High-Теch Bank»;
- «Равнақ банк»;
- «Trast Bank»;
- «Пойтахт Банк».
Таҳлилда банклар икки гуруҳга бўлинган бўлиб, биринчи гуруҳда бирламчи ва иккиламчи бозорда вилоятга, иккинчи гуруҳда Тошкент шаҳрига ипотека кредитлари масалалари кўриб чиқилди.
Вилоятларда
Вилоятлардаги бирламчи кўчмас мулк бозорида энг фойдали ипотека кредитларини қуйидаги «Алоқабанк», «Ипотека банк», «Ҳамкор банк», «Халқ банки», «Микрокредитбанк», «Orient Finans Bank» ва «Қишлоқ қурилиш банк»лардан олишингиз мумкин бўлади.
Ушбу банклар рейтингда биринчи қатордан жой эгалаб мижозларга қуйидаги шартларда бирламчи бозордан уй-жой сотиб олиш учун ипотека кредитлари тақдим этмоқда.
Бошланғич тўлов 15 фоиз, йиллик фоиз ставкаси 17 фоиз, муддати 20 йилгача, лекин кредитнинг максимал миқдори 327,25 млн сўмдан ошмаслиги лозим.
Ҳудудларда бирламчи ипотека кредитлари бўйича энг паст кўрсаткични кўрсатган банклар:
- «Ziraat bank»;
- «Ҳамкор банк»;
- «Ипак йўли банки».
Маълум бўлишича, ҳудудларда бериладиган 18 турдаги ипотека кредитларидан 12 таси 20 йил муддатга тақдим этилмоқда.
Ипотека кредитилари бўйича катта миқдорни «Капиталбанк» ва «Инфинбанк» ажратиб, тахминан 2 млрд сўм ва 1,6 млрд сўм ташкил этади. Бироқ, бу банкларда йиллик фоиз ставкалари сезиларли даражада юқори бўлади.
Пойтахтда
Бирламчи бозорга фойдали ипотека кредитларини ажратиш бўйича иккинчи гуруҳда «Асакабанк», «Ҳамкор банк», «Халқ банки», «Микрокредитбанк», «Orient Finans Bank» ва «Қишлоқ қурилиш банк» етакчилик қилиб турибди.
Ушбу банклар томонидан қуйидаги шартлар асосида ипотека кредитлари таклиф этмоқда:
20 йилгача, максимал миқдори 416,5 млн сўм, йиллик фоиз ставкаси 17 фоиз ва бошланғич тўлов 15 фоиз ташкил этди.
Вилоятлар ва Тошкент шаҳрида бирламчи бозордан уй-жой хариди учун ипотека кредити фоиз ставкаларининг февраль ойи таҳлилига нисбатан ўзгариши:
Баъзи тижорат банкларида февраль ойидаги ипотека кредитлар таҳлилига нисбатан фоиз ставкаларининг -0,5 фоиздан +2 фоизгача ўзгариши кузатилди.
Иккиламчи бозорда ипотека
Натижаларга кўра, Ўзбекистондаги 33 та банкдан 10 та банк иккиламчи бозор учун ипотека кредити ажратаётгани маълум бўлди. Улар қуйидаги банклардир:
- «Инвестфинансбанк»;
- «Халқ банк»;
- «Ziraat bank»;
- «Микрокредитбанк»;
- «Ўзмиллийбанк»;
- «Капиталбанк»;
- «Orient Finans Bank»;
- «Ҳамкорбанк»;
- «Давр банк»;
- «Тенге банк».
«Халқ банки» иккинчи ўрини банд қилиб, «Инвестфинансбанк» билан бир ҳил шартларда иккиламчи бозорга кредит ажратмоқда. Лекин кредитнинг максимал қиймати 750 млн сўмни ташкил этади.
Рейтингда учинчи «Ziraat bank» эгалаб қуйидаги шартларда ипотека кредитларини иккиламчи бозорга ажратмоқда:
бошланғич тўлов 25%, йиллик фоиз сатавкаси 25%, максимал кредит миқдори 800 млн. сўм ва муддати 120 ой.
Шунга кўра, бирламчи ва иккиламчи бозорда ипотека кредити бўйича юқори фоиз ставкалари «Капиталбанк» (27 фоиз), «Давр банк» (28 фоиз) банклар томонидан тақдим этилмоқда.
Маълумотлар тижорат банкларининг веб сайтларидан олинган бўлиб кредит шартлари ўзгариши мумкин.
Изоҳ (0)