«Челси» ярим ҳимоячиси Ҳаким Зиёш ёзда «Милан»га ўтмоқчи. Бу ҳақда таниқли инсайдер Фабрицио Романо хабар берди.
Романога кўра, футболчи бу ҳақда Италия клубини хабардор қилган. «Милан» Лондон клуби билан футболчи борасида музокараларни давом эттирмоқда.
Аввалроқ марокашлик футболчи ёзги трансфер ойнасида итальян клубининг устувор мақсади эканлиги ҳақида хабар берилганди. Қайд этилишича, «Милан» раҳбарияти келишув муваффақиятли якунланишига ишонч билдирмоқда. Бундан ташқари, Зиёш миланликлар лагерига ижара асосида ҳам ўтиши мумкинлиги инкор этилмаган.
Зиёшнинг «Челси» билан амалдаги шартномаси 2025 йилнинг 30 июнига қадар мўлжалланган. Ярим ҳимоячи ўтган мавсумда Лондон клуби сафида барча мусобақалар доирасида 44 та ўйинда майдонга тушиб, 8 та гол урди ва 5 та голли узатмани амалга оширди.
Изоҳ (0)