Буюк Британия бош вазири Борис Жонсон ҳукуматида Молия вазири Риши Сунак ҳамда соғлиқни сақлаш вазири Сажид Жавид истеъфо берди. Бу Жонсон билан бир партиядан бўлган Кристофер Пинчер билан боғлиқ можаро сабаб юз берган.
Жавид бундан буёғига вазирлик ваколати доирасидаги ишларни виждонан бажара олишига шубҳа уйғонганини маълум қилди. Орадан ҳеч қанча вақт ўтмай Сунакнинг ҳам истеъфо бергани ойдинлашди.
«Жамоатчилик ҳукумат ишининг белгиланган тартибда кетишини кутади ва бу адолатли, жиддий ва ҳақиқатга мос. Эҳтимол мен ушбу лавозим менинг вазир сифатидаги охирги раҳбарлик ишим эканини тан олаётгандирман, лекин мазкур стандартлар учун курашиш зарурлигини яхши тушундим, шунинг учун ҳам истеъфога чиқяпман»,— дея ёзган Риши Сунак Twitter’да (Reuters иқтибоси).
Шунингдек, Консерватив партия раисининг ўринбосари Бим Афолами ҳам истеъфо берганини эълон қилган.
Аввалроқ Борис Жонсон Пинчернинг номақбул ҳаракатлари ва ҳукуматда ишлашга нолойиқлигини тушунмагани учун кечирим сўраганди.
«Ортга қараб бу нотўғри қарор бўлганини тушундим. Фаолиятига, ҳаётига мазкур қарорим билан салбий таъсир кўрсатган ҳаммадан узр сўрайман»,— деган Буюк Британия бош вазири Пинчер билан боғлиқ можарога изоҳ бериш вақтида.
Кристофер Пинчер Консерваторлар партиясида тартиб-интизомга масъул бўлган амалдорлардан эди, у ҳукуматдан кетгач жуда кўп ичгани, уятга қолгани ва одамлар ишончини оқлай олмаганини баён этган.
Изоҳ (0)