Европарламент депутатлари Хорватиянинг 2023 йил 1 январдан евроҳудудга қўшилишини маъқуллаш учун овоз берди.
Хорватиянинг еврозонага қўшилиши учун бажариши зарур бўлган мезонларни тўлиқ бажарганини тасдиқловчи ҳисоботни 539 депутат маъқуллаган бўлса, 45 нафари қарши овоз берган. 48 нафар депутат эса бетараф қолган.
Ҳисоботда қайд этилишича, сўнгги даврда COVID-19 пандемияси туфайли юзага келган қийинчиликларга, шунингдек, Россиянинг Украинадаги махсус операцияси оқибатларига қарамай, Хорватия еврога ўтишга тўлиқ тайёр.
Июнь ойи бошида Еврокомиссия Хорватия 2023 йил 1 январдан умумий Европа валютасига ўтиш учун зарур бўлган мезонларга жавоб бериши ҳақида қарор қабул қилган эди.
2022 йилнинг бошида Хорватия Миллий банки евро тангалар ва евро сентлар тўпламини тақдим қилган эди.
Изоҳ (0)