Лисичанскда кўтарилаётган Россия байроқлари, Белгород ва Славянскдаги вайроналар. Урушнинг 130-кунидан фоторепортаж
3 июль куни Россиянинг Белгород шаҳрида қатор портлашлар содир бўлди. Россия Мудофаа вазирлиги шаҳарга ҳужумда Украина аскарларини айблади. Агентлик маълумотларига кўра, тўрт киши ҳалок бўлган: бир нафар Россия фуқароси, уч нафар Украина фуқароси. Лисичанск бутунлай рус қўшинлари назоратига ўтди, Лисичанскдан 20 километр узоқликда жойлашган Северск учун жанглар бошланди. Донецк вилоятининг Славянск шаҳри мери Вадим Лях шаҳар «сўнгги пайтлардаги кенг кўламда» ўққа тутилаётгани ҳақида гапирди: олти киши ҳалок бўлган, улардан бири ёш бола. Владимир Путиннинг матбуот котиби Дмитрий Песковнинг айтишича, ҳозирги босқичда Кремль Украина билан тинчлик музокаралари учун ҳеч қандай истиқбол кўрмаяпти. Meduza урушнинг 130-кунига оид асосий суратларни жамлади.
Белгород
Белгороддаги Майаковский кўчаси яқинида авиазарбадан вайрон бўлган бино ёнида аҳоли ва ўт ўчириш машинаси. Россия Мудофаа вазирлиги маълумотларига кўра, Украина қўшинлари «Точка-У» баллистик ракеталаридан кассетали ўқ-дорилар билан Белгороднинг турар жойларига зарба берган. Ҳаво ҳужумидан мудофаа тизимлари учта ракетани ҳам уриб туширган, аммо улардан бирининг қисмлари Белгородга қулаган. Тўрт киши ҳалок бўлди.Фото: «Коммерсантъ»
Белгородда ракета ҳужумидан вайрон бўлган турар жой биносидаги квартира. Вилоят губернатори Вячеслав Гладков Украина қўшинларининг ҳужуми оқибатида 21 та кўп қаватли уй ва 40 та хусусий турар жой биносига зарар етганини даъво қилмоқда.Фото: Anadolu
Белгород аҳолиси ракета ҳужумидан кейин вайроналарни тозаламоқда.Фото: «Коммерсантъ»
Қутқарувчилар вайроналар жойида иш олиб бормоқда.Фото: Anadolu
Донбасс шимоли
HIMARS ракета тизими устида турган Украина аскари. 1 июль куни Қўшма Штатлар Украинага ҳарбий ёрдамнинг янги пакетини эълон қилди, бу илгари етказилган бир нечта ракета тизимлари учун ўқ-дориларни ҳам ўз ичига олади.Фото: Getty Images
Лисичанскдаги ўққа тутилиб вайрон бўлган Таълим ва фан вазирлиги биносига кираётган россиялик аскар. 3 июль куни кечқурун Украина Қуролли кучлари Бош штаби украиналик ҳарбийлар шаҳарни тарк этганини тасдиқлади.Фото: «ТАСС»
ЛХР «Халқ милицияси» вакили Иван Филипоненко (чапда) Лисичанскдаги шаҳар касалхонаси биноси устида Россия байроғи ва Ғалаба байроғини кўтармоқда. Шаҳарда фаол жанглар 25 июндан 3 июлгача давом этди, иккала томон ҳам Лисичанск рус қўшинлари назоратига ўтганини тасдиқлади.Фото: «ТАСС»
Лисичанскдаги шаҳар касалхонаси ташқарисида бир қучоқ ўтин кўтарган аёл. Лисичанск Луганск вилоятидаги Украина Қуролли Кучлари назоратида бўлган сўнгги шаҳарлардан бири эди. Апрель ойининг охиридан бери шаҳарда газ, сув ва электр таъминоти йўқ.Фото: «ТАСС»
3 июль куни Россия авиазарбаларидан сўнг Славянск савдо мавзеида ҳосил бўлган вайронагарчилик. Ҳудуд раҳбари Павел Кириленконинг сўзларига кўра, олти киши ҳалок бўлган, улардан бири ёш бола.Фото: Getty Images
Россия қўшинларининг ракета ҳужумидан кейинги ёнғин. Украина оммавий ахборот воситаларининг ёзишича, 40 га яқин уй, бозор, боғча ва сув таъминоти тизими вайрон бўлган ёки шикастланган.Фото: Getty Images
71 ёшли Владимир Василевич қариндошларининг ҳовлисида. Ҳовли 3 июль куни Славянкага қилинган ракета ҳужумидан вайрон бўлган.Фото: Scanpix
Гуманитар ёрдам қутиларини олиб кетаётган северсклик ўсмирлар. ЛХР ушбу шаҳар учун кураш бошланганини эълон қилган. Фото: AFP
Мариупол
Россия Фавқулодда вазиятлар вазирлиги мутахассислари ва ғаввослар «Азовсталь» заводи яқинидаги дарёни тозаламоқда. Мариупол 20 май куни рус қўшинлари назоратига ўтди. «Азовсталь» шаҳардаги охирги қаршилик маркази бўлди.Фото: AFP
Изоҳ (0)