Bugun,

  • USD 11014.01
  • RUB 191.8
  • EUR 10674.78

Ukraina qurolli kuchlari harbiylar jonini saqlab qolish uchun Lisichanskdan chekingan, deya ma’lum qildi Ukraina prezidenti Vladimir Zelenskiy o‘z videomurojaatida. Shu bilan birga, u Ukraina kuchlari keyinroq shaharga qaytishiga va’da berdi, deb yozadi “RBK”.

Foto: EPA

Foto: EPA

“Biz jangchilarimiz, odamlarimiz hayotlarini asrayapmiz. Devorlarni quraveramiz, yerlarimizni jang bilan qaytarib olaveramiz, lekin eng muhimi, odamlarni asrashimiz kerak. Va agar armiyamiz qo‘mondonligi frontning dushman o‘t ochish bo‘yicha ustunlikka ega bo‘lgan ma’lum bir nuqtalaridan, xususan, Lisichanskdan odamlarni olib ketdimi, bu faqat bitta narsani bildiradi — biz taktikamiz, zamonaviy qurollar yetkazib berilishini kuchaytirish sharofati bilan qaytib boramiz”, — deya ta’kidladi prezident.

Shuningdek, u Ukraina “hech narsani berib qo‘ymaydi”, deb ishontirdi.

Bundan avval, 3-iyul, yakshanba kuni Ukraina qurolli kuchlari Bosh shtabi Lisichanskdan qo‘shinlarni olib ketish qarori Rossiya bilan kuchlar tengsizligidan kelib chiqib qabul qilinganiga aniqlik kiritgandi. “Shahar mudofaasini davom ettirish halokatli oqibatlarga olib kelgan bo‘lardi. Ukrainalik himoyachilar hayotlarini saqlab qolish uchun ketishga qaror qilindi”, — deyishgandi.

Lisichansk to‘liq qurshovga olingani haqida Rossiya Mudofaa vazirligi 3-iyul kuni xabar berdi. Idora, shuningdek, shaharda janglar borayotganini ma’lum qildi.

Undan bir kun oldinroq Checheniston rahbari Ramzan Qodirov Rossiya kuchlari va LXR harbiylari Lisichansk  markazida ekanini qayd etgandi. Uning so‘zlariga ko‘ra, ular shaharni Ukraina kuchlaridan “tozalagan”. Kechki payt Qodirov Lisichansk Rossiya kuchlari nazorati ostiga o‘tganini ma’lum qildi.

Zelenskiy esa Lisichansk rossiyalik harbiylar nazoratiga olingani haqida gapirishga hali ertaligini, chunki shahar tashqarisida janglar borayotganini aytgandi.

Lisichansk Ukrainaning Lugansk viloyati hududida LXR nazorat o‘rnatishga urinayotgan so‘nggi yirik shahar bo‘lib qolayotgan edi. 3-iyul, yakshanba kuni Mudofaa vazirligi vazir Sergey Shoygu prezident Vladimir Putinga LXRning “ozod etilgani”ni yetkazgani xabar berildi.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi