Каан Урганжиўғли, Сатоко Акио, Павел Прилучний ва ўзбек фильмларида суратга тушган бошқа хорижий актёрлар (фото, видео)

Кўплаб хориж актёрлари ўзбек режиссёрлари томонидан суратга олинган фильмларда суратга тушган. Келинг, хорижлик актёрлар суратга тушган ўзбек фильмлар билан танишамиз.

«Илҳақ»

Иккинчи жаҳон урушида 5 нафар ўғлидан айрилган она ва унинг оиласи ҳақида ҳикоя қилувчи «Илҳақ» фильмида йигирмага яқин Беларусь киноактёрлари суратга тушган. Улар орасида Геннадий Чуриков, Дмитрий Машко, Виктор Богушевич, Лолита Таборко, Алла Поплавская каби машҳур ижодкорлар ҳам бор.

«Берлин – Оққўрғон»

Россиянинг ёш ва истеъдодли актрисаларидан бири Алина Фадеева ўзбек ижодкорлари томонидан суратга олинган «Берлин–Оққўрғон» фильмида эпизод роллардан бирини ижро этган. У 2012 йилда Ломоносов номидаги Москва давлат университетининг халқаро сиёсат бўлимида таҳсил олган бўлишига қарамай кўплаб фильмларда суратга тушган. У «Сўнгги ёз» фильми орқали рус киномухлисларининг қалбидан жой эгаллаган.

«Темур»

Режиссёр Нодир Мўминов томонидан суратга олинган «Темур» фильмида Россия ва АҚШда продюсер ва актёр сифатида танилган Игорь Жижикин ҳам суратга тушган. У шу кунгача 20 дан ортиқ фильм ва 10 га яқин сериалларда иштирок этган. Уни кўпчилик «Мажор», «Руслан», «Сирли шаҳар», «Оталар» каби фильмлардаги роллари орқали яхши танишади.

 «Ойижон»

Машҳур кинорежиссёр Зулфиқор Мусоқов томонидан 2001 йилда суратга олинган «Ойижон» фильмида япониялик актриса Сатоко Акио ҳам суратга тушган. Фильм нафақат Ўзбекистонда, балки Японияда ҳам премьера қилинган.

 «Барон»

Россиянинг яна бир машҳур актёрларидан бири Павел Прилучний ўзбек ижодкорлари томонидан суратга олинган «Барон» фильмида миллий хавфсизлик ходими ролида ижро этган. Асли қозоғистонлик бўлган актёр телебошловчи ва продюссер сифатида ҳам танилган. Фильмнинг иккинчи қисмида эса таниқли туркиялик актёр Каан Урганжиўғлини кўриш мумкин бўлади.

 «Муҳаббатнома»

Ўзбек ижодкорлари томонидан суратга олинган «Муҳаббатнома» фильмида ҳиндистонлик актриса Нигдҳа Пандей суратга тушган. Фильмда Фарруҳ Соипов, Жаҳонгир Фозилжонов, Убайдулло Омон иштирок этган. Фильм романтик ва қисман тарихий жанрда ишланган.

«Геолог: Ўлимдан кучли»

«Геолог: Ўлимдан кучли» фильмида беларуслик актёр Михаил Каминский суратга тушган. У фаолияти давомида 30 дан ортиқ кинофильмларда суратга тушган. Михаил Каминский актёрликдан ташқари педагог ва хореографлик билан ҳам шуғулланади.

«Сарвиқомат дилбарим»

Режиссёр Сарвар Каримов томонидан ишланган «Сарвиқомат дилбарим» фильмида ўзбек ижодкорлари билан бирга қирғиз актёрлари ҳам суратга тушган. Хусусан, Асал ролига Қирғизистон академик театри актрисаси Мадина Талипбек, Хадича ролини эса қирғиз киноактрисаси Элина Абай қизи ижро этган.

«Шурик, Тошкентда»

Режиссёр ва комик актёр Санжар Шодиев «Шурик Тошкентда» номли фильмини суратга олинган. Породия жанридаги фильмда рус актёри Дмитрей Ермалоев Шурик ролини ижро этган. У машҳур рус актёри ва дунё томошабинларининг тасарруфида Шурик сифатида муҳрланиб қолган Александр Демяненконинг набираси ҳисобланади.

«Скорпион»

Ёш режиссёр Мухлиса Азизованинг «Скорпион» фильмида туркиялик машҳур актёр Мурат Йилдирим суратга тушган. У ўзбек томошабинларига «Осиё» сериалидаги Демир роли орқали яхши таниш.