Япониянинг Токорадзава шаҳри аҳолиси «Тоторо ўрмони» номли боғни сақлаб қолиш учун пул йиғишни бошлади. Ушбу боғ Хаяо Миязакига «Қўшним Тоторо» классик мультфильмини яратишда илҳом манбайи бўлиб хизмат қилган, деб хабар беради «Фильм.ru».
Боғ тегилмаган 3,5 минг гектар ўрмондан иборат. Шаҳарликлар боғдаги қурилишларнинг олдини олиш учун 19 миллион доллар тўплаш ниятида. Хайрияни амалга оширган ҳар бир фуқаро Ghibli студиясининг мультфильми рамзига оид махсус сувенирга эга бўлади.
«Қўшним Тоторо» мультфильми 1988 йилда катта экранларга чиққан ва 1950 йилларда янги уйга кўчган университет профессорининг икки қизи ҳақида ҳикоя қилинади. Қизлар катталар кўзига кўринмайдиган Тоторо лақабли ўрмон руҳи ва бошқа эртак қаҳрамонлари билан танишиб қолади.
Ҳозирда Миязаки Гендзабуро Ёсинонинг «Қандай яшаяпсиз?» китоби асосида яратиладиган янги лента устида иш олиб бормоқда.
Изоҳ (0)