«Топ Ган: Мэверик» жаҳон прокатида 1 млрд доллар тўплади

Том Круз иштирокидаги «Топ Ган: Мэверик» фильми жаҳон прокатида 1 миллиард доллардан ортиқ маблағ тўплади. Уларнинг 521 миллион АҚШ ва 484 миллион доллари қолган давлатлар ҳисобига тўғри келади, деб хабар бермоқда «Film.ru».

Фильм прокатнинг бешинчи ҳафтасида Баз Лурманнинг «Элвис» картинаси билан бирга Шимолий Америкада биринчи ўринни эгаллаган (иккиси ҳам 30,5 миллион доллардан). «Мэверик» бир ой ичида «Доктор Стренж: телбалик мултидунёсида»дан ўтиб кетиб, йилнинг энг кассабоп фильмига айланди.

Шунингдек, лента Круз карьерасидаги энг катта релиз номига эга бўлган — унинг иштирокидаги биринчи миллиард долларлик лойиҳа. 1986 йилги «Энг яхши мерган» сиквели Paramount студиясининг Жеймс Кемеронни «Титаник»и ва иккита «Трансформерлар»дан кейинги тўртинчи миллиардерига айланган эди.

Эслатиб ўтамиз, «Топ Ган: Мэверик» АҚШ прокатида чиқарилган биринчи кунидаёқ 51 миллион доллар тўплашга муваффақ бўлганди.