Вуди Аллен актёр Алек Болдуинга берган интервьюсида одамлар кинони асосан уйда ўтириб томоша қилаётган стриминг-сервислар даврида бошқа фильм суратга олишни истамаётганини маълум қилди, деб хабар беради The Hollywood Reporter.
«Мен эҳтимол, яна бир фильм суратга оламан, лекин бу туйғу у қадар ўткир бўлмайди, чунки ҳозир кино яхлит таъсирга эга эмас. Фаолиятимни бошлаган вақтимда бутун мамлакат кинотеатрлари бўйлаб фильмлар намойиш этилар ва одамлар уни томоша қилишга келарди. Эндиликда эса картина тўрт-олти ҳафта кинотеатрларда намойиш этиляпти, кейин стриминг-сервисларга бериб юборилмоқда», — дейди Аллен.
Актёрнинг сўзларига кўра, ҳозирда одамларга уйда ўтириш ва ўзининг катта экранида кино кўриш ёқади — сифатли овоз ва тиниқ тасвирда. «Кинобизнесга келганимда бундай эмасди… Фильмингни бир вақтнинг ўзида 500 киши кўраётганини билиш ёқимли эди», — дея қўшимча қилади режиссёр.
Алленнинг таъкидлашича, кинодаги сўнгги ишига айланиши мумкин бўлган картинани у Парижда кузда тасвирга олиш ниятида. Ҳозирча картинанинг бошқа деталлари ошкор этилмаган.
Эслатиб ўтамиз, 2014 йилда Тошкентда Вуди Аллен ҳафталиги ўтказилганди.
Изоҳ (0)