Бир пиёла оддий қора чой нафақат чанқоғингизни қондиради, балки дардингизга даво бўлиши ҳам мумкин.
Шилиниш ва кесилишлар
Чойда кўп бўлган танин моддаси бириктирувчи таъсирга эга ва шунинг учун кичик қон кетишни тўхтатишга қодир. Жароҳатланган жойга чой компрессини қўллаш кифоя — шиш пасаяди, қон оқиши тўхтайди ва оғриқ камаяди.
Оёқ терлаши
Оддий қора чой оёқнинг ҳаддан ташқари терлаши учун энг самарали воситалардан бири бўлиши мумкин. Танник кислота бактерияларни ўлдиради ва тешикларни торайтиради, шу билан терлашнинг олдини олади ёки камайтиради. 10 дақиқа давомида чой барглари қўшилган ванна самара беради.
Қон кетиши ва милк касаллиги
Худди шу бириктирувчи танин кислоталари яллиғланишни камайтиришга ва милкдан қон кетишини тўхтатишга ёрдам беради. Фақат совиган, ишлатилган чой пакетларини милкларингизга суртинг ва 10-20 дақиқага қолдиринг. Шунингдек, оғзингизни чой барглари билан чайишингиз мумкин — бу нафақат яллиғланишни камайтиришга, балки оғиз бўшлиғини бактериялардан тозалашга ҳам ёрдам беради.
Конъюнктивит
Чой компресслари кўз касаллигида ҳам ёрдам беради: уларни 10-15 дақиқа давомида қовоқларга қўйинг.
Герпес
Чойда кўп бўлган флавоноид ва кофеин герпес вирусининг ривожланишига тўсқинлик қилади, бунда бергамотли чой айниқса самаралидир. Таъсир қилинган жойга чой компрессини қўлланг ва 10 дақиқага қолдиринг. Кунига 3-4 марта такрорланг.
Аллергия
Кунига бир неча стакан чой яллиғланишдан ҳимоя қилувчи флавоноидлар туфайли аллергияни камайтиришга ва симптомларни енгиллаштиришга ёрдам беради.
Диарея
Қора чойда кўп бўлган танинлар ҳам ичак шиллиқ қаватига бириктирувчи таъсир кўрсатади. Бу суюқликнинг чиқарилишининг олдини олади ва яллиғланган ичакларни тинчлантиради. Кофеинсиз чойга устунлик бериш тавсия этилади, чунки кофеин танани сувсизлантиради.
Изоҳ (0)