Юрак касалликлари ҳали ҳам эрта ўлимнинг асосий сабабидир, шунинг учун уларнинг дастлабки белгиларини билиш ва ўз вақтида чора кўриш жуда муҳимдир, деб ёзади «Новий очаг».
Юрак етишмовчилиги — юрак аввалгидек самарали ишлай олмайдиган ҳолат бўлиб, у ҳайдайдиган қон организмнинг тўлақонли ишлаши учун етарли бўлмайди. Ҳар қандай жиддий касалликда бўлгани каби, юрак етишмовчилигини имкон қадар эрта аниқлаш керак, шунда соғлиққа зарар камроқ етади ва даволаш имкон қадар осонлашади. Шунинг учун юрак етишмовчилиги ривожланаётганидан огоҳлантириши мумкин бўлган бир нечта яширин белгиларни ўтказиб юбормаслик керак.
Нафас қисилиши
Юрак етишмовчилигида ички органларнинг қон таъминоти камаяди ва уларнинг ишлаши қийинлашади. Биринчи узилишлардан бири ўпкада сезилади ва оддий ҳаракатлар пайтида ҳам нафас қисилиши кузатилади. Шунинг учун, тўсатдан шунга ўхшаш нарсани сезилса, иложи борича тезроқ шифокорга мурожаат қилиш керак.
Шиш
Юрак етишмовчилигида буйраклар фаолияти ҳам ёмонлашади ва тана бунга шиш билан жавоб беради. Шиш кўпинча оёқ ва тўпиқларда ҳосил бўлади. Одатий пойабзал сиғмай ва пайпоқ ҳам терида излар қолдиради. Ушбу ҳолатда кардиолог билан маслаҳатлашиб, ушбу аломатнинг сабабини анилқаш зарур.
Ўпкада йўтал ва хириллаш
Йўтал, айниқса, ётган ҳолатда ва тунда кучаяди, бу жуда жиддий белги бўлиб, дарҳол шифокорга мурожаат қилиш керак. Ҳақиқат шундаки, юрак етишмовчилигида суюқлик баъзан ўпкада тўпланади, бу шиш пайдо бўлишига, ҳатто потенциал ўлимга олиб келиши ҳам мумкин.
Чарчоқ
Зинадан кўтарилгандан кейин бош айланиши, енгил ҳаракатдан кейин чарчоқ — бу аломатларнинг барчасини ёш ўтиши ёки стресс билан боғлашга шошилмаслик лозим. Юрак етишмовчилигида юрак муҳим органларнинг нормал ишлаши учун етарли миқдорда қонни айлантира олмайди, мушакларни бундан маҳрум қилиш орқали етишмовчиликни қоплайди. Натижада тезда чарчаш кузатилади. Шундай қилиб, агар кундалик вазифаларни бажариш аввалгидан кўра қийинлашса, кардиолог билан маслаҳатлашиш зарур.
Овқат ҳазм қилиш муаммолари
Иштаҳанинг пасайиши, кўнгил айниши, ҳазм қилиш билан боғлиқ муаммо — буларнинг барчаси овқат ҳазм қилиш тизимининг органлари етарли даражада қон билан таъминланмаганлиги сабабли юзага келиши мумкин. Афсуски, бу юрак етишмовчилигининг ривожланиш белгисидир.
Юрак уришининг тезлашиши
Юрак уриши юрак-қон томир тизимининг соғлиғини сақлашда доимий равишда кузатиб бориш учун муҳим бўлган учта энг муҳим параметрдан биридир. Юракнинг доимий тез уриши унинг стрессда эканини ва ҳақиқатан ҳам ёрдамга муҳтожлигини кўрсатади.
Изоҳ (0)