ФИФА ўзининг расмий сайтида 2022 йилги Жаҳон Чемпионатида ўйиндан ташқари ҳолатларни аниқлаш учун ярим автоматик VAR тизимидан фойдаланишини маълум қилди.
Ярим автоматик VAR ҳакамларга ўйиндан ташқари ҳолатларни тезкор аниқлашга ёрдам беради. Тизим автоматик равишда тўпнинг жойлашишини аниқлайди ва ўйинчилар позициясининг уч ўлчовли моделларини яратади.
«Янги технологияда тўпни кузатиш учун стадион томи остига ўрнатилган 12 та махсус камерадан фойдаланилади. Шунингдек, у ҳар бир футболчи танасининг 29 нуқтасини ҳисобга олади ва уларнинг майдондаги аниқ ҳолатини сониясига 50 марта кузатиб боради. Ушбу 29 нуқтага ўйиндан ташқари ҳолатларни аниқлаш учун тегишли бўлган тананинг ва қисмларини ва қўл-оёқлари киради», — деб ёзади ФИФА матбуот хизмати.
ФИФА президенти Жанни Инфантино бу тизим клублар ўртасидаги Жаҳон Чемпионатида синовдан ўтгани ва у ижобий натижа берганини айтганди. Инфантино ФИФАдаги барча ушбу янги технологиядан қониқиш ҳосил қилганини таъкидлаган.
Аввалроқ ФИФА ЖЧ—2022 иштирокчилари қайдномага 26 нафар, кенгайтирилган таркибга эса 55 нафар футболчини киритишига рухсат бергани хабар қилинганди.
Эслатиб ўтамиз, Жаҳон Чемпионати 2022 йилнинг 21 ноябридан 18 декабрига қадар бўлиб ўтади. Мусобақанинг амалдаги ғолиби Франция терма жамоасидир.
Изоҳ (0)