Британия бош вазири Борис Жонсон НАТОга аъзо давлатларни Украинадаги воқеалардан келиб чиқиб, ҳарбий харажатларни оширишга чақирди. Бу ҳақда Daily Telegraph газетаси Британия ҳукумати раҳбари нутқидан парчаларга таяниб хабар берди.
Британия бош вазири яқин 10 йил ичида НАТО атрофидаги таҳдидлар фақат кучайишини даъво қилмоқда. «Келгуси ўн йилликда тийиб туриш ва хавфсиз мудофаани ошириш учун барча иттифоқчилар ўз захираларидан янада кенгроқ фойдаланиши керак», — дейилади баёнотда.
Шунингдек, Буюк Британиянинг ўзи ялпи ички маҳсулотнинг 2,3 фоизини ҳарбий эҳтиёжларга сарфлаётгани кўрсатилган. Шу билан бирга, ҳукмрон Консерватив партиянинг 2019 йилги сайловолди дастурида ҳукумат ҳар йили мудофаа учун маблағ ажратишни режалаштираётгани, унинг ялпи ички маҳсулотдаги улуши инфляциядан 0,5 фоизга ошиши ҳақида банд бор эди.
Аввалроқ Жонсон G7 ва НАТОни Украинада «ёмон тинчлик» ўрнатишга ундамасликка чақирган эди. «Ҳозир украиналикларни ёмон тинчликка, ўт очишни тўхтатиш эвазига ўз ҳудудларининг бир қисмидан воз кечиш таклиф қилинадиган тинчликка рози бўлишга ундаш вақти эмас. Фикримча, бу фалокат бўлади», — деди бош вазир.
Изоҳ (0)