Роберт Левандовскининг собиқ агенти Цезари Кухарски польшалик ҳужумчининг «Барселона»га ўтиш хоҳиши ҳақида гапириб ўтди.
«Барселона» ва Левандовски ушбу трансфер учун курашади. Менимча, у охир-оқибат «Барселона»га ўтади. Бунинг имконияти бор деб ўйлайман.Аввалроқ «кўк-анорранглилар» Левандовски учун 50 миллион фунт беришга рози бўлгани хабар қилинганди. Футболчига «Челси» ва «ПСЖ» клублари ҳам қизиқиш билдирмоқда. 33 ёшли ҳужумчининг ўзи Мюнхен клубини тарк этаётганини маълум қилганди.Роберт «Бавария»га уни қўйиб юбориши учун босим қилиши керак. Мюнхенликлар раҳбарияти у Испанияга кетиш истагида эканини билади. Левандовски Германия, ундан сўнг Испанияда ва охирида АҚШда ўйнаб, кейин фаолиятини якунлашни режалаштирганди.
Левандовски Бенземадан яхшироқ эканлигини исботламоқчи. Бу ҳам «Барселона»га ўтмоқчи эканини сабабларидан бири.
Роберт ҳеч нарсани орзу қилмайди. Футбол у учун иш ва унга профессионал ёндашади. «Реал» ва «Барселона» бир хил даражадаги жамоалар.
Цезари Кухарски, Роберт Левандовскининг собиқ агенти
Левандовски 2021/22 йилги мавсум «Бавария» сафида барча мусобақаларда 45 та ўйинда иштирок этиб, 48 та гол ва 6 та голли узатмага муаллифлик қилди.
Изоҳ (0)