Бундан тўрт йил аввал, 2018 йилнинг 25 июнь санасида Равшан Эрматов ўзининг охирги Жаҳон чемпионатида ўн биринчи ўйинини бошқарганди.
Эрматов Россияда бўлиб ўтган мусобақада мундиаллардаги 11-ўйинини ўтказиб, жаҳон рекордини ўрнатганди. Унинг сўнгги ўйини гуруҳ босқичи доирасидаги Испания ва Марокаш ўртасидаги учрашувга тўғри келган. Беллашув 2:2 ҳисобидаги дуранг билан якунланган.
Ўшанда унинг Россиядаги мусобақадаёқ ўз рекордини янгилаши мумкинлиги ва Қатар—2022 да бу натижа яна яхшиланиш эҳтимоли юқорилиги ҳақида гапирилганди. Аммо Россияда у бошқа ўйинни бошқармади, бунга ёрдамчиси Абдуҳамид Расуловнинг жароҳати сабаб бўлгани айтилади. Кейинчалик эса Эрматов ҳакамлик фаолиятини якунлади.
Равшан Эрматов ҳозирда Ўзбекистон футбол ассоциацияси вице-президенти ҳисобланади.
Маълумот учун, Эрматов Россия—2018 дан ташқари, ЖАР—2010 ва Бразилия—2014 мусобақаларида ҳакамлик қилган.
Изоҳ (0)