Хитой етакчиси Си Цзиньпин Украинадаги уруш ва Россияга нисбатан жорий қилинган санкциялар ҳақида гапирди.
«Украина инқирози инсоният учун яна сигнал бўлди. Агар давлатлар ўз кучига кўр-кўрона ишониб, ҳарбий иттифоқларни кенгайтириб, бошқалар ҳисобига ўз хавфсизлигини таъминлаш йўлларини изласа, хавфсизлик муаммоларига дуч келиши аниқ», — деди Хитой раҳбари БРИКС етакчилари саммитидаги видеоконференция нутқида.
Шунингдек, у Россияга қарши киритилган санкциялар оқибатларидан огоҳлантирди.
«Жаҳон иқтисодиётини сиёсийлаштириш, ундан ўз манфаати йўлида фойдаланиш, қуролга айлантириш, жаҳон молия тизимидаги ҳукмрон мавқейидан кенг қамровли санкциялар учун фойдаланиш бошқаларга ва ўзингизга фақат зарар келтиради. Бундай қадамлар туфайли бутун дунё одамлари жабр кўрмоқда», — деди Си Цзиньпин.
Изоҳ (0)