Биология ва тиббиёт соҳасидаги нуфузли илмий нашрлардан бири — Британиянинг The Lancet журналида эълон қилинган янги тадқиқотга кўра, дунё аҳолисининг эмланиши 2020 йил декабридан 2021 йил декабригача бўлган даврда қарийб 20 миллионта ўлимнинг олдини олган, деб ёзади «Интерфакс».
Математик моделлаштириш асосида тадқиқотчилар вакциналар бутун дунёда ўлимларнинг потенциал сонини икки марта қисқартиради, деган хулосага келди.
Экспертлар ҳисоб-китобларига кўра, вакцинация бўлмаганида, дунё бўйлаб 31,4 миллион киши коронавирусга чалиниш оқибатларидан вафот этган бўларди.
Ҳужжатда айтилишича, вакциналар таъсирида вакцинациянинг биринчи йили давомида, эҳтимол, миллионлаб ҳаётлар сақланиб қолинган.
«Келажакда вакциналарга нисбатан интеллектуал мулкни тезроқ тарқатиш зарур, вакциналарни ишлаб чиқариш ва тақсимлаш билан бўглиқ технология ва билимларни янада очиқроқ узатиш орқали», — дейилади журналда.
Экспертлар фикрича, «шунингдек, вакциналарни бутун дунё бўйлаб тарқатиш ва етказиб бериш инфратузилмасини кенгайтириш ва уларга нисбатан талабни ошириш учун дезинформация билан курашиш керак».
Американинг Жонс Ҳопкинс университети маълумотларига кўра, пандемия бошидан буён айни пайтгача бутун дунёда коронавирусга қарши 11,6 миллиард доза турли вакциналар қўлланилган. 6,3 миллион киши COVID-19 қурбонига айланган.
Изоҳ (0)