Xitoy yetakchisi Si Szinpin Ukrainadagi urush va Rossiyaga nisbatan joriy qilingan sanksiyalar haqida gapirdi.
“Ukraina inqirozi insoniyat uchun yana signal bo‘ldi. Agar davlatlar o‘z kuchiga ko‘r-ko‘rona ishonib, harbiy ittifoqlarni kengaytirib, boshqalar hisobiga o‘z xavfsizligini ta’minlash yo‘llarini izlasa, xavfsizlik muammolariga duch kelishi aniq”, — dedi Xitoy rahbari BRIKS yetakchilari sammitidagi videokonferensiya nutqida.
Shuningdek, u Rossiyaga qarshi kiritilgan sanksiyalar oqibatlaridan ogohlantirdi.
“Jahon iqtisodiyotini siyosiylashtirish, undan o‘z manfaati yo‘lida foydalanish, qurolga aylantirish, jahon moliya tizimidagi hukmron mavqeyidan keng qamrovli sanksiyalar uchun foydalanish boshqalarga va o‘zingizga faqat zarar keltiradi. Bunday qadamlar tufayli butun dunyo odamlari jabr ko‘rmoqda”, — dedi Si Szinpin.
Izoh (0)