Тошкент вилоятида ўтказилаётган «Зарбдор» тезкор-профилактик тадбири давомида кўча бозорида нархи тахминан 200 миллион сўмдан ортиқ бўлган 240 грамм синтетик гиёҳвандлик воситаси савдосига чек қўйилди.
Маълум бўлишича, 2022 йил 10 июнь куни Тошкент вилояти ИИББ ЖҚБ Гиёҳвандлик воситалари билан қонунга хилоф равишда муомала қилишга қарши курашиш бўлими ҳамда Зангиота тумани ИИБ ЖҚБ тезкор ходимлари билан ҳамкорликда ўтказилган тезкор тадбир ўтказилган.
Тадбир давомида фуқаро 1992 йилда туғилган О.А. Зангиота тумани ҳудудида гумонланиб кўздан кечирилганда, унинг ёнидан 0,5 грамм гашиш гиёҳвандлик воситаси, 25 грамм (кристалл-алф) ва 100 грамм (меф.н) кучли таъсир қилувчи психотроп ва синтетик гиёҳвандлик воситаси кукунлари борлиги аниқланган.
Шунингдек, ушланган шахснинг яшаш хонадони холислар иштирокида кўздан кечирилганда, ўтказиш мақсадида сақлаб келинган 100 грамм (меф.н), 15 грамм (кристалл-алф) синтетик воситаси борлиги аниқланиб ҳужжатлаштирилиб олинган.
Мазкур ҳолат юзасидан Зангиота тумани ИИБ ҳузуридаги Жиноят кодексининг 276-моддаси 1-қисми ва 273-моддаси 5-қисми билан жиноят иши қўзғатилган. Тергов ҳаракатлари олиб борилмоқда.
Изоҳ (0)