Toshkent viloyatida o‘tkazilayotgan “Zarbdor” tezkor-profilaktik tadbiri davomida ko‘cha bozorida narxi taxminan 200 million so‘mdan ortiq bo‘lgan 240 gramm sintetik giyohvandlik vositasi savdosiga chek qo‘yildi.
Ma’lum bo‘lishicha, 2022-yil 10-iyun kuni Toshkent viloyati IIBB JQB Giyohvandlik vositalari bilan qonunga xilof ravishda muomala qilishga qarshi kurashish bo‘limi hamda Zangiota tumani IIB JQB tezkor xodimlari bilan hamkorlikda o‘tkazilgan tezkor tadbir o‘tkazilgan.
Tadbir davomida fuqaro 1992-yilda tug‘ilgan O.A. Zangiota tumani hududida gumonlanib ko‘zdan kechirilganda, uning yonidan 0,5 gramm gashish giyohvandlik vositasi, 25 gramm (kristall-alf) va 100 gramm (mef.n) kuchli ta’sir qiluvchi psixotrop va sintetik giyohvandlik vositasi kukunlari borligi aniqlangan.
Shuningdek, ushlangan shaxsning yashash xonadoni xolislar ishtirokida ko‘zdan kechirilganda, o‘tkazish maqsadida saqlab kelingan 100 gramm (mef.n), 15 gramm (kristall-alf) sintetik vositasi borligi aniqlanib hujjatlashtirilib olingan.
Mazkur holat yuzasidan Zangiota tumani IIB huzuridagi Jinoyat kodeksining 276-moddasi 1-qismi va 273-moddasi 5-qismi bilan jinoyat ishi qo‘zg‘atilgan. Tergov harakatlari olib borilmoqda.
Izoh (0)