Ўзбекистон президентининг ташқи сиёсат масалалари бўйича махсус вакили Абдулазиз Комилов 19 июнь куни Афғонистон пойтахти Кобул шаҳрига боргани тўғрисида хабар берилганди.
Маълум қилинишича, Абдулазиз Комилов бошчилигидаги делегация ташриф доирасида Афғонистон бош вазири ўринбосарлари — Мулла Абдул Ғани Бародар ва Абдусалом Ҳанафий билан алоҳида музокаралар ўтказган.
Томонлар савдо-иқтисодий соҳадаги ҳамкорликни янада ривожлантириш ва мустаҳкамлаш истиқболларини, шунингдек, Афғонистон ҳудудида энергетика ва транспорт-коммуникация соҳаларида Ўзбекистон ташаббуси билан амалга оширилаётган турли инфратузилма лойиҳаларини муҳокама қилган.
«Афғонистон томони Ўзбекистон раҳбариятига мамлакатга кўрсатилаётган инсонпарварлик ёрдами, шунингдек, миллий иқтисодиётни тиклаш борасидаги саъй-ҳаракатлари учун миннатдорлик билдирди», — дейилади хабарда.
Эслатиб ўтамиз, июль ойи охирида Тошкент шаҳрида Афғонистон бўйича олий даражадаги халқаро конференция бўлиб ўтади. Ташқи ишлар вазири вазифасини бажарувчи Владимир Норов бу ҳақда маълумот бериб, ҳудуддаги оғир иқтисодий инқироз ва қийин гуманитар вазият кескинлигича қолаётганини айтган.
Мавзуга доир:
- Абдулазиз Комиловга яна бир вазифа юкланди
- Ўзбекистоннинг апрель охирида Афғонистонга юборган инсонпарварлик ёрдамини ҳудудларга тақсимлаш бошланди
- Исматулла Иргашов Афғонистоннинг янги ҳокимияти билан конструктив мулоқот ўрнатиш зарурлигини таъкидлади
- Владимир Норов АҚШнинг Афғонистон бўйича махсус вакили билан учрашди
Изоҳ (0)