Ташқи ишлар вазири вазифасини бажарувчи Владимир Норов 20 июнь куни Хитой Халқ Республикасининг Ўзбекистондаги фавқулодда ва мутор элчиси Сзян Янни қабул қилди. Бу ҳақда ТИВ ахборот хизмати хабар қилди.
Қайд этилишича, мулоқот чоғида Ўзбекистон ва Хитой ўртасидаги амалий ҳамкорликнинг ҳолати ҳамда истиқболлари муҳокама қилинган. Олий ва юқори даражадаги мунтазам сиёсий мулоқотларни давом эттириш масалаларига эътибор қаратилган. Қўшма тадбирлар, хусусан, Ўзбекистоннинг ШҲТга раислиги доирасидаги форумларга тайёргарлик кўриш билан боғлиқ масалаларга алоҳида эътибор қаратилган.
Учрашувда томонларни қизиқтирган бошқа масалалар ҳам кўриб чиқилган.
Изоҳ (0)