Май ойида Ўзбекистон ва Украина ўртасидаги савдо айланмаси ҳажми 9,9 миллион долларни ташкил қилди. Бу Давлат статистика қўмитаси маълумотларида қайд этилди.
Таққослаш учун, апрель ойида у 7,3 миллион долларни ташкил қилган эди.
Савдо жонланганига қарамай, умумий ҳажм ўтган йилнинг мос даврига нисбатан 73,6 миллион долларга кам.
Натижада Украина Ўзбекистоннинг савдо ҳамкорлари орасида 19-ўринни эгаллади. Ўтган йилнинг май ойида мамлакат 9-ўринда эди.
Буларнинг барчасини Россиянинг Украинага февраль ойи охиридан бери давом этаётган ҳарбий ҳаракатлари билан изоҳласа бўлади.
Уруш бошлангунга қадар Украина Ўзбекистондан, асосан, мева-сабзавот ва тўқимачилик маҳсулотлари, азотли ва калийли ўғитлар, этилен полимерлари, рух хом ашёси ва автомобиль харид қилган.
Аввалроқ БМТ Украина ғалласи бўйича музокаралар тўхтагани сабабли очлик хавфидан огоҳлантиргани ҳақида хабар берилганди.
Изоҳ (0)