Президентнинг «Олий ва ўрта махсус таълим вазирлиги бошқаруви тизимини такомиллаштириш чора-тадбирлари тўғрисида»ги қарори билан Олий ва ўрта махсус таълим вазирлиги марказий аппарати кенгайтирилиб, вазифалар қайта тақсимланди. Бу ҳақда вазирлик матбуот хизмати хабар берди.
Жумладан:
- Олий ва ўрта махсус таълим вазирининг профессионал таълимни ривожлантириш масалалари бўйича ўринбосари лавозими киритилди;
- Профессионал таълим-ўқув методик мувофиқлаштириш бош бошқармаси негизида Профессионал таълим муассасалари фаолиятини мувофиқлаштириш департаменти ташкил этилди.
- Маънавият ва маърифат маркази — Талаба ва ўқувчиларнинг маънавий юксалишига кўмаклашиш маркази;
- Таълим муассасаларида электрон таълимни жорий этиш маркази — Рақамли таълим технологияларини ривожлантириш маркази деб қайта номланган.
- олий ва ўрта махсус таълим вазирининг профессионал таълимни ривожлантириш масалалари бўйича ўринбосари бир вақтнинг ўзида Профессионал таълим муассасалари фаолиятини мувофиқлаштириш департаменти директори ҳисобланади;
- вазирлик тизимидаги профессионал таълим муассасалари фаолиятига раҳбарлик қилади, уларда иш самарали ташкил этилишини таъминлайди, юклатилган вазифалар ва функциялар тўлиқ бажарилиши учун шахсан жавоб беради.
Изоҳ (0)