Раж Капур, Ражеш Ханна ва бошқа Болливуд афсонавий актёрлари биринчи фильмларида қандай кўринишда бўлган? (фото)

Болливуднинг афсонавий актёрларини унутиб бўлмайди, фақат улар ўзининг энг машҳур роли билан ёдга олинади. Аммо карьерасини эртароқ бошлаган актёрлар дебют фильмларда тамоман бошқа кўринишда бўлган. Bollywoodtime нашри уларнинг бир нечтаси билан таништириб ўтди.

Дилип Кумар

Дилип Купар ҳинд киносининг энг ёрқин драматик актёрларидан бири ҳисобланади. 1944 йилда Дилип режиссёр Амия Чакраварти томонидан суратга олинган «Сув тошқини» фильмида биринчи бош ролини ижро этди. Гарчи драма муваффақиятга эришмаган бўлса ҳам, вақт ўтиши билан Дилип ўзининг истеъдодини очиб берди. У жуда узоқ ва самарали ҳаёт кечирди.

Ашок Кумар

Ашок Кумарнинг актёрлик фаолияти 25 ёшида тасодифан бошланган. «Янги ҳаёт» фильмининг бош қаҳрамони Девика Рани суратга тушиш жараёнида режиссёр турмуш ўртоғини ташлаб, партнёри Нажим Ул Ҳасан билан қочиб кетган. Фильм продюсерлари жиддий молиявий йўқотишларга дучор бўлган ва ўша пайтда овоз муҳандиси ёрдамчиси Сашадар Мукержи ёрдамга келган.

Биринчидан, у Девика Ранини эрининг олдига қайтишга кўндирди. Ҳайдалган қаҳрамоннинг ўрнига эса хотинининг укаси — Ашок Кумарни алмаштиришни таклиф қилди. Кейинчалик Ашок 60 йилдан ортиқ вақт давомида ўз роллари билан томошабинларни хурсанд қилди.

Раж Капур

Ҳинд киносининг шоумени 1930 йилларда мактаб ўқувчиси сифатида фильмларда рол ўйнаган. Унинг катталар актёри сифатидаги биринчи асосий роли «Мовий нилуфар» лойиҳасида бўлган. Ўша пайтда у атиги 23 ёшда эди.

Дев Ананд

Дев Ананд ҳам «Биз бирмиз» фильми билан илк бор катта экранга чиққанида атиги 23 ёшда эди, орадан 4 йил ўтиб продюсерликка қўл урди ва Сурая бош ролни ижро этган «Ҳукумат инспектори» фильмини экранга чиқарди.

Шамми Капур

Шамми Капурнинг фильмларда иштирок этиши 1953 йилда бошланган. Саноатдаги илк йиллар унинг учун омадсиз келди, чунки у очиқчасига акаси Раж Капурга тақлид қилди ва унинг сояси остида қолиб кетди. 1960 йиллардагина Шамми Капур ўз услубини топди ва машҳурликка эришди.

Дҳармендра

24 ёшида Дҳармендра «Юрак ҳам, ҳаёт ҳам сиз учун» мелодрамасида бош ролни ўйнади (1960). Болливудда ҳеч қандай таниши бўлмаган ёш чиройли йигит анча вақт давомида шон-шуҳрат чўққисини эгаллаб турди. Унинг карьерасининг чўққиси 70–80 йилларга тўғри келди.

Шаши Капур

Шаши Капурнинг актёрлик карьераси театрда бошланган, у ерда отаси Prithviраж Капурга ёрдам берган. Шаши оиланинг энг кичиги бўлиб, укаси Раж Капурнинг фильмларида ҳам болалар ролларини ўйнаган. Аммо биринчи катта рол унга 1961 йилда «Тақдир ўғли» фильмида насиб этди.

Ражеш Ханна

Режиссёр Четан Ананд Болливудда истеъдодларни топиш билан танилган. Айнан у Ражеш Ханна исмли 24 ёшли болани «Сўнгги мактуб» (1966) фильмида бош ролга таклиф қилган. Кейинчалик бу мафтункор йигит Болливуднинг биринчи супер юлдузи сифатида тан олинди.

Амитабҳ Баччан

Амитабҳ Баччаннинг карьераси бугунги стандартлар бўйича жуда кеч — 27 ёшида бошланди. Бу «Етти ҳиндистонлик» лойиҳаси эди, шундан сўнг унинг фаолиятида анча вақт қора чизиқ тортилди. Аммо аста-секин Амитабҳ ҳинд киносининг ҳақиқий афсонасига айланди.

Митҳун Чакраборти

Юқоридаги кўплаб актёрлардан фарқли ўлароқ, Митҳун Чакрабортининг кинога келиши тасодифий эмас. У Кино ва телевидение институтини тамомлаган ва режиссёр Мринал Сеннинг «Қироллик ови» (1976) бенгал фильмида дебют қилган, бунинг учун у нуфузли Миллий мукофотга сазовор бўлган. Митҳун ўша пайтда 25 ёшда эди.