ФИФА Жанубий Корея клубига «Насаф» ҳисоб рақамига 65 минг доллар тўлаб бериш мажбуриятини қўйди

ПФЛ бош директори Диёр Имомхўжаев Жанубий Корея жамоаси «Насаф»га компенсация тўлаб бериши ҳақида ёзди.

Қайд этилишича, «Насаф» Жанубий Кореянинг «Чежу Юнайтед» клуби билан Ислом Кенжабоевнинг машғулот компенсацияси масаласида келиша олмаган.

Натижада ишга ФИФА аралашган ва ташкилот қарорига кўра, «Чежу» 45 кун ичида «Насаф» ҳисоб рақамига 65 минг доллар ўтказиб бериши керак бўлади. акс ҳолда клубга нисбатан трансфер тақиқи қўйилади.

Машғулот компенсацияси Футболчилар мақоми ва трансфери бўйича регламент асосида тартибга солинади.

Фаолиятини Қаршининг «Насаф» клубида бошлаган Ислом 2021 йилнинг январь ойида «Чежу Юнайтед» билан 1 йиллик шартнома имзолаган. Аммо 2021 йилнинг ёзида футболчи Ўзбекистонга қайтган. Навоийнинг «Қизилқум»и сафига қўшилган Кенжабоев у ерда ҳам ярим йил фаолият олиб бориб, 2022 йил январь ойида «Навбаҳор» билан шартнома имзолади. Ислом 2022 йилги мавсум «Навбаҳор» сафида Суперлигада 9 та ўйинда иштирок этди.