Россия терма жамоасининг собиқ сардори Игорь Денисов шарҳловчи Нобель Арустамян билан суҳбатда Россиянинг халқаро мусобақалардан четлатилгани ва Украинада бўлиб ўтаётган воқеалар ҳақида гапириб ўтди.
УЕФАнинг Россия терма жамоалари ва клубларини четлатиш қарори ҳақидаЭслатиб ўтамиз, 28 февраль куни ФИФА ва УЕФА Украинадаги вазият туфайли Россия терма жамоалари ва Россия клубларини барча халқаро мусобақаларда иштирок этишдан четлатди. Россия терма жамоаси эса халқаро мусобақалардан, хусусан, ЖЧ—2022 ўтиш ўйинлари ва УЕФА Миллатлар Лигасидан четлатилди.Буни тўғри деб ҳисоблайман. Чунки… Биласизми, синглимга ҳам айтдим, сиз, мен, шу ерда ўтирган барча одамлар воқеаларга алоқадормиз. Бунда барчамиз иштирок этяпмиз. Бу менинг фикрим. Сиёсатни тушунмайдиган одамнинг фикри.
Умуман олганда бундан ҳам кўпроқ нарсалар тарафдориман. Чунки ҳозир бўлаётган нарсаларни тўхтатиш керак. Буни бизга нисбатан жуда қаттиқ муносабат орқали тўхтатиш мумкин.
Буларнинг фойдаси йўқ, барчаси сафсата деб куламиз. Йўқ. Футболимиз жуда четга чиқиб кетди, агар кейинги йил Европани ўтказиб юборсак, бундан баттарроқ бўлади. Лекин бу, яна, кечирасиз, менинг фикрим, албатта, бу тўғри дегани эмас. Аммо содир бўлаётган ҳодисалар мен учун — шунчаки фалокат. Барчаси.
Россия президентига мурожаат йўллагани ҳақида
Владимир Путинга мурожаат қилдим, унинг видеосини жўнатдик, бироқ ҳамма (барча рус ОАВ назарда тутилмоқда) рад этди. Унда нима дейилганди? Бу воқеаларнинг ҳаммаси тўхтатилиши сўралганди. Унга ҳатто ‘олдингизда тиз чўкишга ҳам тайёрман’ деганман. Ғурурли йигит ҳаммаси тугаши учун тиз чўкишга тайёр эди. Умуман олганда менда ғурур ҳам қолмаганди, чунки бу нимага олиб боришини билиб турардим. Афсуски, ҳеч ким эълон қилишни хоҳламади.
Бошқа футболчиларнинг жим тургани ҳақида
Бу мени ҳайрон қолдирди. Уч йил аввал фаолиятимни якунлаганман. Бироқ 29 ёш бўлганимда ҳам, ҳатто, ўз оиламни таъминлаб қўйишга улгурмаган тақдиримда ҳам 25-санада футболни йиғиштирардим. Ҳа, кўп пул йўқотардим, аммо бу фикримни ўзгартира олмасди. Бундай шароитда ортиқ футбол ўйнай олмасдим. Бу мен учун катта муаммо.
Ўзини нимада айблаши ҳақида
Бундай ҳолат юз берганини қоралайман. Синглим айтганидек, бунинг бизга алоқаси йўқ, лекин ўз нуқтаи назаримни ҳукуматга етказа олмайдиган қандайдир ҳислар бор. Айтайлик, менга ўхшаган одам бу нотўғри эканлигига тўлиқ ишонади, лекин буни айта олмайди. Бугун сиз мени бу ерга чақирдингиз.
Бу нотўғри десам, ҳеч нарса ўзгармайди. Минглаб одамлар бу нотўғрилигини айтса ҳам ҳеч нарса ўзгармайди. Миллион одам айцин, барибир ҳеч нарса ўзгармайди.
Қачонки, 140—150 миллион одамнинг барчаси бу нотўғри эканлигини тушунса, эҳтимол, ўшанда нимадир ўзгарар. Афсуски, бизда билмайман дейишади, 50 га 50, 60 га 40, кимдир тўғри дейди, кимдир эса нотўғри. Мамлакатимиз у ерга борган бўлса, менимча, бу барчамизнинг айбимиз.
Донбассдагилар 8 йил давомида ўз ҳудудидаги русларни қийнаб келгани, геноцид уюштиргани ҳақидаги фикрларга муносабати ҳақида
Ҳа, бундай фикрларга кўп дуч келаман, хусусан, синглим ҳам шундай фикрда.
Билмадим, бу саволга қандай жавоб бериш керак. Шунчаки телевизор кўрманг дея оламан. Яна бошқа нимани маслаҳат беришни ҳам билмайман. Агар сўнгги 8 йил давомида мен ҳам уни кўриб борганимда, балки бошқача нутайи назарга эга бўлармидим. Мен телевизор кўрмайман.
Менимча, одамлар ҳам бунда айбдор эмас. Эрталаб янгиликларни кўриш учун телевизорни ёқасиз — у ерда сизга жар солишади. Тушлик пайтида ёқасиз — яна жар солишади. Кечга ҳам шу аҳвол. Ва бу узоқ йиллар давомида такрорланиб келмоқда. Балки нимадир ўзгараётгандир, билмайман.
Менинг жуда ақлли синглим бор. Тўғри, ақл нисбий, лекин у аҳмоқ эмаслиги аниқ. Унинг ўз шахсий фикри бор. У нима ҳақида ўйлаётганини биламан. Ўзимнинг туғишган синглимни ҳеч нарсага ишонтира олмайман, бунинг иложи йўқ. Агар биз ўз оиламизда нима тўғри-ю, нима нотўғри эканлигини аниқлай олмасак, бошқаларнинг оиласига, бошқаларнинг фикрига қандай таъсир ўтказишимиз мумкин? Ҳеч қачон.
Игорь Денисов, собиқ футболчи
Изоҳ (0)