Оғир вазн тоифасида WBC чемпиони Тайсон Фьюри бокс афсоналари ва Голливуд юлдузлари билан кўргазмали жанглар ташкил қилиш нияти борлигини айтиб ўтди.
Бу ҳақиқий жанг бўлмай, балки кўнгилочар томошадек бўлади. Профессионал бокс эмас, соф Голливуд услубидаги ўйин-кулги.Тайсон Фьюри боксдаги сўнгги жангини Диллиан Уайтга қарши ўтказиб, 6-раундда рақибини чуқур нокаут ҳолатига тушириб қўйганди. Ундан аввал британиялик боксчи фаолиятини якунлаши ҳақида маълум қилганди.Кўргазмали жангда ўтмишдаги боксчилар, таниқли шахслар ва умуман исталган шахс билан курашиш мумкин. Унинг одатий жанглардан фарқи сиз ғалаба қозониш ёки мағлуб бўлиш учун эмас, шунчаки кўнгилхушлик, вақтни мароқли ўтказиш ва мухлисларга шоу кўрсатиш учун рингга кўтариласиз.
Мен Майк Тайсон, Леннокс Льюис, Фрэнк Бруно, Дуэйн Жонсон билан жанг қилмоқчиман. Бу фантастик ҳодиса бўларди. Бундай шоуларда ким билан жанг қилишингни билмайсан, аммо яқин келажакда буни амалга оширишга умид қиламан.
Тайсон Фьюри, боксчи
Изоҳ (0)