Киев вилоятидаги Буча туманининг Мироцк қишлоғи яқинида етти нафар ҳалок бўлган тинч аҳолининг жасади дафн этилган жой топилди, дея хабар берди вилоят полицияси раҳбари Андрей Небитов.
Унинг сўзларига кўра, ўлганларнинг жасадларида қийноқ излари бор, кўпчилигининг қўллари боғланган ва тиззаларига ўқ узилган, ўлимга эса бош қисмидаги ўқ жароҳатлари сабаб бўлган. Ҳалок бўлганларнинг шахси аниқланмоқда.
Украина Миллий полицияси раҳбари Игорь Клименко Россиянинг мамлакатга бостириб кириши бошланганидан бери 12 мингдан ортиқ тинч аҳолининг ўлимига оид тергов ишлари олиб борилгани ҳақида маълумот берди. Маълумотларга кўра, март ойида қисман босиб олинган Киев вилояти ҳудудида 1500 дан ортиқ одам ҳалок бўлган.
Изоҳ (0)